കണ്ണൂര്: ശുഹൈബ് വധത്തെത്തുടര്ന്ന് കണ്ണൂരിലെ പ്രതിസന്ധികള്ക്കു പരിഹാരം കാണുന്നതിനായി ഇന്ന് സര്വകക്ഷി യോഗം. മന്ത്രി എ.കെ. ബാലന്റെ അധ്യക്ഷതയില് കളക്ടറേറ്റിലാണ് സര്വകക്ഷിയോഗം ചേരുന്നത്. സര്വകക്ഷി യോഗത്തില് യുഡിഎഫ് പങ്കെടുക്കും.
എന്നാല് സര്വകക്ഷി യോഗത്തിനെതിരെ കെ. സുധാകരനും സതീശന് പാച്ചേരിയും രംഗത്തെത്തി. നേരത്തെ മുഖ്യമന്ത്രിയുടെ നേതൃത്വത്തില് സര്വകക്ഷി യോഗം നടന്നതാണെന്നും അന്നെടുത്ത തീരുമാനങ്ങള് നടപ്പിലായില്ലെന്നും സതീശന് കുറ്റപ്പെടുത്തി.
ശുഹൈബ് വധത്തില് യഥാര്ഥ പ്രതികളെയാണ് പിടികൂടിയതെന്നാണ് പോലീസ് പറയുന്നത്. എന്നാല് എന്തുകൊണ്ടാണ് ഇവരെ കസ്റ്റഡിയില് വാങ്ങാതിരിക്കുന്നതെന്നും ഇതില് ദുരൂഹതയുണ്ടെന്നും സുധാകരനും ആരോപിച്ചു.
