സെഞ്ചൂറിയന്: പുരുഷന്മാര്ക്കൊപ്പം ഇന്ത്യന് വനിതകളും ഇന്ന് പരമ്പര ലക്ഷ്യമിട്ട് ഇറങ്ങുന്നു. ദക്ഷിണാഫ്രിക്കന് വനിതകള്ക്കെതിരായ ട്വന്റി 20യിലെ നാലാം മത്സരമാണ് ഇന്ന്. മൂന്ന് മത്സരങ്ങള് കഴിഞ്ഞപ്പോള് ഇന്ത്യ 2-1ന് മുന്നിലാണ്. അഞ്ച് മത്സരങ്ങളാണ് പരമ്പരയിലുള്ളത്.
ആദ്യ രണ്ട് കളികളും ഇന്ത്യ ജയിച്ചപ്പോള് കഴിഞ്ഞ മത്സരത്തില് തോറ്റു. ഇതോടെയാണ് പരമ്പരക്കായുള്ള കാത്തിരിപ്പ് നീണ്ടത്. ഇന്ന് ജയിച്ചാല് അവസാന കളി ബാക്കിനില്ക്കേ തന്നെ 3-1ന് പരമ്പര സ്വന്തമാക്കാം.
മിതാലി രാജും, സ്മൃതി മന്ദാനയും ഹര്മന് പ്രീത് കൗറും വേദ കൃഷ്ണമൂര്ത്തിയും അടങ്ങുന്ന ബാറ്റിങ് നിരയാണ് ഇന്ത്യയുടെ കരുത്ത്. ശിഖ പാണ്ഡെ, രാജേശ്വരി ഗെയ്ക്ക്വാദ്, അനൂജ പാട്ടീല്, പൂനം യാദവ് എന്നിവര് ബൗളിങ് നിരയിലെ കരുത്തരും.
അതേസമയം ദക്ഷിണാഫ്രിക്കന് വനിതകള് കഴിഞ്ഞ മത്സരത്തില് ജയിക്കാന് കഴിഞ്ഞതിന്റെ ആത്മവിശ്വാസത്തിലാണ്. പരമ്പര നഷ്ടപ്പെടാതിരിക്കാന് അവര്ക്ക് ഇന്ന് ജയിച്ചേ മതിയാവൂ. നേരത്തെ ഏകദിന പരമ്പര ഇന്ത്യന് വനിതകള് സ്വന്തമാക്കിയിയിരുന്നു.
