ഇസ്ലാമബാദ് : മുംബൈ ഭീകരാക്രമണത്തിന്റെ മുഖ്യ സൂത്രധാരന് ഹാഫിസ് സയീദിനെതിരെ നടപടി സ്വീകരിക്കുന്നതിന് പാക്കിസ്ഥാനു മേല് ഐക്യരാഷ്ട്ര സഭയും സമ്മര്ദ്ദം ശക്തമാക്കുന്നു. ഹാഫിസിനെതിരെ പ്രഖ്യാപിച്ച നടപടികള് പാലിക്കുന്നുണ്ടോ എന്നു നിരീക്ഷിക്കാന് യുഎന് സുരക്ഷാ സമിതിയുടെ പ്രത്യേക സംഘം വ്യാഴാഴ്ച പാക്കിസ്ഥാനിലെത്തും.
പാക് പത്രം ഡോണ് റിപ്പോര്ട്ടു ചെയ്തതാണിത്. ഹാഫിസിനെ വീട്ടുതടങ്കലില് നിന്ന് മോചിപ്പിച്ചതിനെതിരെ ഇന്ത്യയും അമേരിക്കയും രംഗതെത്തിയിരുന്നു. യുഎന് സംഘത്തിന്റെ പതിവ് സന്ദര്ശനമാണ് ഇതെന്നാണ് പാക്കിസ്ഥാന് പ്രതികരിച്ചത്.
ഹാഫിസിനെതിരെ കേസുകളൊന്നും നിലനില്ക്കുന്നില്ലെന്ന് പാക് പ്രധാനമന്ത്രി ഷഹീദ് അബ്ബാസി കഴിഞ്ഞ ദിവസം അറിയിച്ചിരുന്നു. ഹാഫിസ് ഭീകര പ്രവര്ത്തനങ്ങളില് പങ്കാളിയാണെന്നും നിയമത്തിനു കീഴില് കൊണ്ടു വരണമെന്നും യുഎസ് വിദേശകാര്യ വിഭാഗം കഴിഞ്ഞ ദിവസം പ്രസ്താവിച്ചതിനു പിന്നാലെയാണ് യുഎന് സംഘം പാക്കിസ്ഥാനിലെത്തുന്നത്.
