എഐഎഫ്എംപി നാഷണല്‍ പ്രസിഡന്റ് എഎംഎഎസ് ജി. അശോകനില്‍ നിന്ന് ഓറഞ്ച് പ്രിന്റേഴ്‌സ് ഡയറക്ടര്‍മാരായ റോയി തോമസ്, ബി.എസ്. സജിത്, സിഇഒ റെനില്‍ തോമസ് എന്നിവര്‍ അവാര്‍ഡുകള്‍ ഏറ്റുവാങ്ങിയപ്പോള്‍.
തിരുവനന്തപുരം: ന്യൂദല്‍ഹി ആസ്ഥാനമായി പ്രവര്‍ത്തിക്കുന്ന ഇന്ത്യയിലെ പ്രിന്റിംഗ് പ്രസുകളുടെ കേന്ദ്ര സംഘടനയായ ഓള്‍ ഇന്ത്യ ഫെഡറേഷന്‍ ഓഫ് മാസ്റ്റര്‍ പ്രിന്റേഴ്‌സ് (എഐഎഫ്എംപി) അച്ചടി മികവിന് നല്‍കിവരുന്ന 2017ലെ ദേശീയ അവാര്‍ഡുകള്‍ക്ക് തിരുവനന്തപുരത്തെ ഓറഞ്ച് പ്രിന്റേഴ്‌സ് അര്‍ഹമായി
അഖിലേന്ത്യാതലത്തില്‍ അച്ചടിയിലെ വിവിധ വിഭാഗങ്ങളിലായി മത്സരത്തിന് ലഭിച്ച 1450 എന്‍ട്രികളില്‍ നിന്നാണ് രണ്ട് ഗോള്‍ഡും ഒരു സില്‍വര്‍ അവാര്‍ഡും ഓറഞ്ച് പ്രിന്റേഴ്‌സ് കരസ്ഥമാക്കിയത്. തിരുവനന്തപുരത്ത് വേളി ഇന്‍ഡസ്ട്രിയല്‍ എസ്റ്റേറ്റിലും ഗാന്ധാരി അമ്മന്‍കോവിലിന് സമീപവുമായി കഴിഞ്ഞ 10 വര്‍ഷമായി പ്രവര്‍ത്തിക്കുന്ന ഓറഞ്ച് പ്രിന്റേഴ്‌സിന് ഇത് മൂന്നാം തവണയാണ് ദേശീയ അവാര്‍ഡുകള്‍ ലഭിക്കുന്നത്.
മുംബൈയില്‍ അച്ചടി സംബന്ധമായ ദേശീയ എക്‌സിബിഷനോടനുബന്ധിച്ച് നടന്ന ചടങ്ങില്‍ എഐഎഫ്എംപി നാഷണല്‍ പ്രസിഡന്റ് എഎംഎഎസ് ജി. അശോകനില്‍ നിന്ന് ഓറഞ്ച് പ്രിന്റേഴ്‌സ് ഡയറക്ടര്‍മാരായ റോയി തോമസ്, ബി.എസ്. സജിത്, സിഇഒ റെനില്‍ തോമസ് എന്നിവര്‍ അവാര്‍ഡുകള്‍ ഏറ്റുവാങ്ങി.
പ്രതികരിക്കാൻ ഇവിടെ എഴുതുക: