മട്ടാഞ്ചേരി: ഓഫീസിന്റെ താക്കോലുമായി ആര്ഡിഒ എത്താന് വൈകിയതിനെ തുടര്ന്ന് ജനവും ജീവനക്കാരും വലഞ്ഞു. ഫോര്ട്ടുകൊച്ചി ആര്ഡി ഓഫീസിലാണ് കെ. ഇമ്പശേഖരന് ഐഎഎസ്സിന്റെ പുതിയ രീതി ജനങ്ങളെ വലച്ചത്. ഇതിനെ തുടര്ന്ന് ബുധനാഴ്ച പതിനൊന്ന് മണിയോടെയാണ് ആര്ഡിഒ ഓഫീസ് പ്രവര്ത്തനം തുടങ്ങിയത്. രാവിലെ എത്തിയ ജീവനക്കാരും വിവിധ ആവശ്യങ്ങള്ക്കായെത്തിയ ജനങ്ങളും അതുവരെ കാത്തിരിക്കേണ്ടി വന്നു. കഴിഞ്ഞ ഏതാനും ആഴ്ചകളായി താക്കോല് കസ്റ്റഡി പ്രശ്നം ഓഫീസ് പ്രവര്ത്തനത്തെ താളം തെറ്റിക്കുന്നതായി ജനങ്ങള് പരാതിപ്പെട്ടു. അങ്കമാലി മുതല് തൃപ്പുണിത്തുറ വരെയുള്ള അധികാര പരിധിയിലെ റവന്യു വിഭാഗത്തിന്റെ പ്രവര്ത്തനങ്ങളാണ് ഫോര്ട്ടുകൊച്ചി ആര്ഡിഒ ഓഫീസില് നടക്കുന്നത്. പ്രതിദിനം വിവിധ ആവശ്യങ്ങള് ക്കായി നൂറുക്കണക്കിന് ജനങ്ങളും 50ലേറെ ജീവനക്കാരും ഓഫീസിനെ ആശ്രയിക്കുന്നു ജുഡീഷ്യല് കോടതി അടക്കമുള്ള ഓഫീസിന്റെ താക്കോല് ആര്ഡിഒ കൈവശം വൈയ്ക്കുന്നതാണ് കാരണമെന്ന് ബന്ധപ്പെട്ട കേന്ദ്രങ്ങള്ചൂണ്ടിക്കാട്ടി. മുന് കാലങ്ങളില് ഓഫീസ് മേ ധാവിയോ ഉയര്ന്നജീവനക്കാരോ ആയിരുന്നു താക്കോല് സൂക്ഷിച്ചിരുന്നത്.
ഓഫീസിന്റെ താക്കോലുമായി ആര്ഡിഒ എത്താന് വൈകി; ജനവും ജീവനക്കാരും വലഞ്ഞു.
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.