ഒക്കാലാന്ഡ്: ലോകത്താദ്യം പുതുവത്സരം പിറന്നത് ന്യൂസിലാന്ഡിലെ ഒക്കാലാന്ഡില്. ഇന്ത്യന് സമയം ഇന്നലെ വൈകിട്ട് 4.35നാണ് ന്യൂസിലാന്ഡില് പുതുവത്സരമായത്. ഓക്കാലാന്ഡിലെ സ്കൈലാന്ഡ് ടവറിലാണ് ഭൂമിയിലെ ആദ്യത്തെ പുതുവത്സരാഘോഷം ആരംഭിച്ചത്. 328 മീറ്റര് ഉയരത്തില് സ്ഥിതി ചെയ്യുന്ന ഗോപുരമാണ് സ്കൈ ടവര്. കരിമരുന്ന് പ്രയോഗവും ലോക്കല് ബാന്ഡുകളുടെ പാട്ടും റെഗേ നൃത്തവും അരങ്ങുകൊഴുപ്പിച്ചു.
ന്യൂസിലാന്ഡിലെ സമോവക്കാരുടെ പുതുത്സാരാഘോഷത്തിനുമുണ്ട് സവിശേഷത. ലോകത്താദ്യം ന്യൂഇയര് ആഘോഷിക്കുന്ന ഇടങ്ങളിലൊന്നായി മാറാന് തീരുമാനിച്ചത്, 2011ല്. ഇതിനായി അവര് ഡിസംബറില് ഒരു ദിവസം കുറച്ച് രാജ്യാന്തര ദിനാങ്ക രേഖ മാറ്റി വരച്ച് സമോവയെ അതിന്റെ പടിഞ്ഞാറ് ഭാഗത്താക്കി. ഓസ്ട്രേലിയയും ന്യൂസിലാന്ഡും പുതുവത്സരം ആഘോഷിച്ച് 24 മണിക്കൂര് കഴിഞ്ഞായിരുന്നു സമോവക്കാര് ആഘോഷിച്ചിരുന്നത്. ഈ രണ്ടു രാജ്യങ്ങളും തമ്മിലുള്ള വാണിജ്യബന്ധത്തിലും ഇത് വന് നഷ്ടമുണ്ടാക്കി.
ഇതോടെയാണ് ഒരു ദിവസം കുറച്ച് രാജ്യാന്തര ദിനാങ്ക രേഖ മാറ്റി വരയ്ക്കാന് ഇവര് നിര്ബന്ധിതരായത്. പുതുവത്സരാഘോഷം സമോവക്കാര്ക്ക് വരുമാനം ലഭിക്കുന്ന ആഘോഷമാണ്.
