പാലക്കാട്:ജാതി മതഭേദമന്യേ ഭക്തര്ക്ക് അയ്യപ്പന്റെ മഹത്വം രാജ്യം മുഴുവന് അംഗീകരിച്ചതാണെന്ന് ജില്ലാ സെഷന്സ് ജഡ്ജി ജയകുമാര് അഭിപ്രായപ്പെട്ടു.
അയ്യപ്പ മഹോത്സവത്തോടനുബന്ധിച്ച് നടന്ന അയ്യപ്പ സമൂഹ സമാരാധന വടക്കന്തറ ശിവക്ഷേത്ര പരിസരത്ത് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
നഗരസഭ കൗണ്സിലര് വി.നടേശന് അധ്യക്ഷത വഹിച്ചു.അയ്യപ്പ സേവ സമാജം അഖിലേന്ത്യ വൈസ് പ്രസിഡന്റ് അയ്യപ്പദാസ്,കേന്ദ്ര ആര്ബിട്രേഷന് ജഡ്ജ് ടി.ഇന്ദിര, വാസ്തുവിദഗ്ദന് ശശികുമാരശര്മ്മ, മാതാജി ദേവി, ശോഭ പ്രഭാനന്തസ്വാമി, സംന്യാസി സഭ സംസ്ഥാന ജനറല് സെക്രട്ടറി പ്രഭാകരാനന്ദ സ്വാമി, നഗരസഭാ ചെയര്പേഴ്സണ് പ്രമീള ശശിധരന്, വൈസ് ചെയര്മാന് കൃഷ്ണകുമാര്,വിഭാഗ് കാര്യകാരിസദസ്യന് കെ.സുധീര്,ശൈവ വെള്ളാള സര്വ്വീസ് ജനറല് സെക്രട്ടറി എ.ഷഢഗോപാലന്,കൗണ്സിലര്മാരായ ജയേഷ്,പ്രസാദ്,സൗമിനി,തഥാദാശ്രമത്തിലെ സ്വാമി സുധാകരന്,നോര്ത്ത് സിഐ ശിവശങ്കരന്, മഹിള മോര്ച്ച സംസ്ഥാന സെക്രട്ടറി സിന്ധു രാജന്,റിട്ട.എഡിഎം ഗണേശന്,ഡോ.നന്ദകുമാര്,കെ.ജനാര്ദനന്,കെ.നാരായണന്കുട്ടി,പി.സത്യന്,വി.കാശി വിശ്വനാഥന്,പി.ബാലന് തുടങ്ങിയവര് സംസാരിച്ചു.സമ്മേളനത്തില് നഗരത്തിലെ 35 ക്ഷേത്ര പൂജാരിമാരെ ആദരിച്ചു.
