മാവേലിക്കര: കോടികള് തട്ടിപ്പ് നടന്ന മാവേലിക്കര സഹകരണ ബാങ്കിന്റെ അഴിമതി അന്വേഷണം നിയമത്തിന്റെ പരിധിലംഘിച്ച് സിപിഎം നടപ്പാക്കുന്ന പദ്ധതി അനുസരിച്ചാണെന്ന് ബിജെപി ജില്ലാ പ്രസിഡന്റ് കെ. സോമന്. സിപിഎം പ്രാദേശിക നേതൃത്വം പറയുന്നതിനനുസരിച്ച് പ്രവര്ത്തിക്കുന്ന തരത്തിലേക്ക് ക്രൈംബ്രാഞ്ച് സംഘം തരംതാണതായും അദ്ദേഹം ആരോപിച്ചു. ഇന്നലെ മാവേലിക്കരയില് നടന്ന പത്രസമ്മേളനത്തില് സംസാരിക്കുകയായിരുന്നു അദ്ദേഹം. കേസന്വേഷണത്തിന് സുതാര്യതയില്ലന്ന് സിപിഎം പാര്ട്ടി ഘടകത്തില്തന്നെ അഭിപ്രായം ഉയര്ന്നിരിക്കുന്നത് പാര്ട്ടിക്ക് തലവേദനയായിട്ടുണ്ടന്നും അദ്ദേഹം അഭിപ്രായപ്പെട്ടു. ഉടമകളില്ലാത്ത കോടിക്കണക്കിന് നിക്ഷേപങ്ങളാണ ബാങ്കിലുള്ളത്. ഇത് കള്ളപ്പണമാണ്. ഈ പണം നിക്ഷേപിച്ചവരെ കണ്ടെത്തി നിയമപരമായ നടപടിയെടുക്കണമെന്നും അല്ലാത്തപക്ഷം ബാങ്കിലെ അഴിമതിക്കെതിരെ ബിജെപി രണ്ടാഘട്ട സമരപരിപാടികള്ക്ക് നേതൃത്വം നല്കുമെന്നും അദ്ദേഹം കൂട്ടിച്ചേര്ത്തു. കള്ളപ്പണനിക്ഷേപത്തിന്റെ കാര്യത്തില് സിപിഎം- കോണ്ഗ്രസ് കൂട്ട്കച്ചവടമാണ് നടന്നിട്ടുള്ളതെന്നും അദ്ദേഹം പറഞ്ഞു. ജില്ലാ ജനറല് സെക്രട്ടറി എം.വി. ഗോപകുമാര്, മണ്ഡലം സെക്രട്ടറിമാരായ കെ.കെ. അനൂപ്, അനില് വള്ളികുന്നം, സഹകരണ സെല് ജില്ലാ കണ്വീനര് ആര്. വിശ്വനാഥന്, സഹ. കണ്വീനര് ജെ. അനില്കുമാര് എന്നിവര്പരെടുത്തു.
സഹകരണബാങ്ക് അഴിമതി അന്വേഷണം സിപിഎം പദ്ധതി അനുസരിച്ച്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.