ദി അലുമ്‌നി സൊസൈറ്റി ഓഫ് എഒടിഎസ് കേരളയുടെ സുവര്‍ണ ജൂബിലിയാഘോഷങ്ങളുടെ ഭാഗമായി കളമശേരി കിന്‍ഫ്ര ഹൈടെക് പാര്‍ക്കിലെ നിപ്പോണ്‍ കേരള സെന്ററിലെ ഓഡിറ്റോറിയം ഇന്ത്യയിലെ ജപ്പാന്‍ അംബാസഡര്‍ കെന്‍ജി ഹിരാമസ്തു ഉദ്ഘാടനം ചെയ്യുന്നു. പാട്രിക്ക ഹിരാമസ്തു, അനിത പ്രതാപ്, ജേക്കബ് കോവൂര്‍, ടി. ബാലകൃഷ്ണന്‍, കലക്റ്റര്‍ കെ. മുഹമ്മദ് സഫീറുള്ള, എഒടിഎസ് ജപ്പാന്‍ എംഡി ഷിമൂസവ എന്നിവര്‍ സമീപം.
കൊച്ചി: വിവിധ പഠനങ്ങള്‍ക്കായി ജപ്പാനില്‍ പോയി മടങ്ങിയെത്തിയവര്‍ രൂപീകരിച്ച ദി അലുമ്‌നി സൊസൈറ്റി ഓഫ് എഒടിഎസ് കേരളയുടെ (എഎസ്എ കേരള) സുവര്‍ണ ജൂബിലിയാഘോഷങ്ങള്‍ക്കു തുടക്കമായി. കളമശേരി കിന്‍ഫ്ര ഹൈ ടെക് പാര്‍ക്കിലെ നിപ്പോണ്‍ കേരള സെന്ററില്‍ ഇന്ത്യയിലെ ജപ്പാന്‍ അംബാസഡര്‍ കെന്‍ജി ഹിരാമസ്തു ഉദ്ഘാടനം ചെയ്തു. സംസ്ഥാന സര്‍ക്കാര്‍ നല്‍കിയ ഒരേക്കര്‍ സ്ഥലത്തു നിര്‍മിച്ച സെന്ററിലെ ഓഡിറ്റോറിയത്തിന്റെ ഉദ്ഘാടനവും അദ്ദേഹം നിര്‍വ്വഹിച്ചു.
നിര്‍ണായക പങ്കു വഹിക്കാനുണ്ടെന്നു ജപ്പാന്‍ അംബാസഡര്‍ ചൂണ്ടിക്കാട്ടി. ജപ്പാനിലേക്ക് ഇന്ത്യയില്‍ നിന്നുള്ള വിനോദസഞ്ചാരികളുടെ എണ്ണം വളരെ കുറവാണ്. പഠനത്തിനും സാങ്കേതികവിദ്യാ സഹകരണത്തിനും സാംസ്‌കാരിക വിനിമയത്തിനും സാധ്യതകളേറെയുണ്ടെങ്കിലും ഇതൊന്നും കാര്യമായി ഉപയോഗപ്പെടുത്തിയിട്ടില്ല. കേരളം ഇക്കാര്യത്തില്‍ മുന്‍കൈയെടുക്കണം. മുഖ്യമന്ത്രി പിണറായി വിജയനുമായി നടത്തിയ ചര്‍ച്ചയില്‍ ഇക്കാര്യത്തില്‍ എല്ലാ സഹകരണങ്ങളും അദ്ദേഹം വാഗ്ദാനം ചെയ്തു. ജപ്പാനും ഇക്കാര്യത്തില്‍ എല്ലാ സഹായവും നല്‍കും. എഎസ്എ കേരളയുടെ പ്രവര്‍ത്തനങ്ങളിലൂടെ കേരളവും ജപ്പാനുമായി പുതിയ സഹകരണമേഖല തുറക്കുമെന്നും കെന്‍ജി ഹിരാമസ്തു പറഞ്ഞു.
എറണാകുളം ജില്ലാ കളക്ടര്‍ കെ. മുഹമ്മദ് സഫീറുള്ള, എഒടിഎസ് ജപ്പാന്‍ മാനേജിങ് ഡയറക്ടര്‍ ഷിമൂസവ എന്നിവര്‍ വിശിഷ്ടാതിഥികളായി. അംബാസഡറുടെ പത്‌നി പാട്രിക്ക ഹിരാമസ്തു, ഇന്തോ- ജപ്പാന്‍ ചേംബര്‍ ഓഫ് കൊമേഴ്‌സ് കേരള പ്രസിഡന്റും സംസ്ഥാന മുന്‍ വ്യവസായവകുപ്പു സെക്രട്ടറിയുമായ ടി. ബാലകൃഷ്ണന്‍, പ്രമുഖ എഴുത്തുകാരിയും മാധ്യമപ്രവര്‍ത്തകയുമായ അനിത പ്രതാപ് എന്നിവര്‍ സംബന്ധിച്ചു. എഎസ്എ കേരള പ്രസിഡന്റ് ജേക്കബ് കോവൂര്‍ അധ്യക്ഷത വഹിച്ചു. സെക്രട്ടറി എസ്. ഗോപകുമാര്‍ സ്വാഗതവും വൈസ് പ്രസിഡന്റ് ഇവി. ജോണ്‍ നന്ദിയും പറഞ്ഞു. എഎസ്എ കേരളയുടെ ആദ്യകാല സാരഥികളെ പാട്രിക്ക ഹിരാമസ്തു ചടങ്ങില്‍ ആദരിച്ചു.
പ്രതികരിക്കാൻ ഇവിടെ എഴുതുക: