ആലപ്പുഴ: തെരഞ്ഞെടുപ്പ് കമ്മിഷന് വോട്ടര്പട്ടിക പുതുക്കുന്നതുമായി ബന്ധപ്പെട്ട് നവംബര് 20 വരെ ജില്ലയില് 2607 അപേക്ഷകള് ലഭിച്ചു. തെരഞ്ഞെടുപ്പ് കമ്മിഷന്റെ വോട്ടര് പട്ടിക നിരീക്ഷക സുമന എന്. മേനോന്റെ അധ്യക്ഷതയില് കൂടിയ അവലോകന യോഗത്തില് ജില്ലാ കളക്ടര് ടി.വി. അനുപമയാണ് ഇക്കാര്യം അറിയിച്ചത്.
അരൂര് നിയോജകമണ്ഡലം-296, ചേര്ത്തല-308, ആലപ്പുഴ-272, അമ്പലപ്പുഴ-315, കുട്ടനാട്-162, ഹരിപ്പാട്-311, കായംകുളം-381, മാവേലിക്കര-355, ചെങ്ങന്നൂര്-207 എന്നിങ്ങനെയാണ് പുതുക്കല് അപേക്ഷ ലഭിച്ചിട്ടുള്ളത്.
2019 ജനുവരി ഒന്നിലെ പ്രായം അടിസ്ഥാനമാക്കിയാണ് വോട്ടര്പട്ടിക പുതുക്കുന്നത്. നവംബര് 30 ആണ് അവസാന തീയതി. മരണമടഞ്ഞ 1095 പേരെ വോട്ടര്പട്ടിയില്നിന്ന് നീക്കംചെയ്യുന്നതിനായി കണ്ടെത്തിയിട്ടുണ്ട്. 1109 പേര് താമസംമാറി. പ്രവാസികളായ 752 പേര് വോട്ടര്പട്ടികയില് എന്റോള് ചെയ്തിട്ടില്ലെന്നും കണ്ടെത്തിയിട്ടുണ്ട്.
ഒക്ടോബര് 31ന് പ്രസിദ്ധീകരിച്ച കരട് വോട്ടര് പട്ടിക പ്രകാരം ജില്ലയില് 16,54,648 വോട്ടര്മാരാണുള്ളത്. 8,66,005 സ്ത്രീകളും 7,88,643 പുരുഷന്മാരും. ഇതുപ്രകാരം അരൂര് നിയോജകമണ്ഡലം-1,85,720, ചേര്ത്തല-2,02,052, ആലപ്പുഴ-1,86,770, അമ്പലപ്പുഴ-1,64,023, കുട്ടനാട്-1,59,104, ഹരിപ്പാട്-1,80,738, കായംകുളം-1,95,577, മാവേലിക്കര-1,92,032, ചെങ്ങന്നൂര്-1,88,632 എന്നിങ്ങനെയാണ് വോട്ടര്മാരുടെ എണ്ണം.
