മണിമല: നെല്ലിമരത്തിന്റെ തടിയില് ഉണ്ടായ കേടുപാട് മാറ്റാന് വൃക്ഷായുര്വേദ ചികിത്സ തുടങ്ങി.
മണിമല കടയനിക്കാട് കോത്തലപ്പടി മുന്നോടിയില് സരോജിനിയമ്മയുടെ പുരയിടത്തിലെ മുപ്പത് വര്ഷം പ്രായമായ നെല്ലി മരത്തിനാണ് ചികിത്സ തുടങ്ങിയത്.
കേടായ നെല്ലിമരത്തിന്റെ തൊലി ഇളക്കി മാറ്റി, കേടായ ഭാഗങ്ങള് കഴുകി വൃത്തിയാക്കി, ചിതല്പുറ്റിലെ മണ്ണ്, പശുവിന്റെ ചാണകം, എരുമപ്പാല്, ചെറുതേന്, നെയ്യ്, എള്ള്, കദളിപ്പഴം എന്നിവ അടങ്ങിയ ഔഷധക്കൂട്ട് ഉരുളകളാക്കി വൃക്ഷം നില്ക്കുന്ന വീട്ടിലെ ഭരണി നക്ഷത്രക്കാര് അല്ലെങ്കില് മുതിര്ന്നയാള് ഉരുള മരത്തില് തേച്ച് പിടിപ്പിക്കും.
കോട്ടണ്തുണി മഴ പെയ്താല് മരുന്ന് പോകാത്തതരത്തില് ചുറ്റും. ചണനൂലുകൊണ്ട് കെട്ടി മുറുക്കും.
ഈ ഭാഗത്ത് മൂന്നു ദിവസം എരുമപ്പാല് തളിക്കും. മരത്തിന്റെ ചെറിയ വേരുകള് പൊട്ടുന്ന തരത്തില് ചുറ്റും കിളച്ച് വൃത്തിയാക്കും. ആറുമാസത്തിനുള്ളില് ചികിത്സാ ഫലം കാണുമെന്നാണ് പ്രതീക്ഷവൃക്ഷ സംരക്ഷണസമിതിയുടെ നേതൃത്വത്തിലാണ് ചികിത്സ.
സമിതി സംസ്ഥാന ജനറല് സെക്രട്ടറിയും വനം വന്യജീവി ബോര്ഡംഗവുമായ കെ. ബിനുവാണ് നേതൃത്വം നല്കിയത്. സമിതി സംസ്ഥാന കമ്മിറ്റിയംഗങ്ങളായ എസ്. ബിജു, ഗോപകുമാര് ഇലക്കാട് എന്നിവരും ചികിത്സയ്ക്ക് സഹായിച്ചു.
