ചേര്ത്തല: സിപിഐ മണ്ഡലം കമ്മിറ്റി ഓഫീസ് വിവാദം. കെട്ടിട നിര്മാണത്തിന് അനുമതി നല്കിയത് സിപിഎം ഒത്താശയോടെ.
2003ല് കെട്ടിടം നിര്മിക്കാന് അനുമതി നല്കിയത് എല്ഡിഎഫ് നഗരസഭ ഭരിക്കുന്ന കാലത്താണ്. പ്ലാനില് മാറ്റം വരുത്തി കെട്ടിടം പണിതതും അനുമതിയില്ലാതെ മൂന്നാമത്തെ നില പൂര്ത്തിയാക്കിയതും ഇതേ കാലയളലവിലാണ്. 2009 ല് അന്നത്തെ ഭരണസമിതി കൗണ്സില് ചട്ടങ്ങള് മറികടന്ന് അനധികൃതമായി നിര്മിച്ച ഓഫീസിന് അണ് ഓതറൈസ്ഡ് നമ്പറരും നല്കിയിരുന്നതായാണ് വിവരം.
അധികാരത്തിന്റെ തണലില് സിപിഐയുടെ അനധികൃത നിര്മ്മാണത്തിന് കൂട്ടുനില്ക്കുകയായിരുന്നു സിപിഎം. സംഭവം വിവാദമായപ്പോള് സിപിഐക്കെതിരെ സിപിഎം ജില്ലാ സെക്രട്ടറിയെടുത്ത നിലപാട് ചേര്ത്തലയില് ഇരു പാര്ട്ടികളും തമ്മിലുള്ള തുറന്ന പോരിന് വഴിവെച്ചിരിക്കുകയാണ്.
സിപിഐ ഓഫീസ് കെട്ടിടം അംഗീകൃതമാക്കാന് നേതൃത്വത്തിന് ഏറെ കടമ്പകള് കടക്കേണ്ടിവരും. കൈയേറ്റമല്ലെങ്കിലും കെട്ടിടനിര്മാണ ചട്ടങ്ങള് ലംഘിച്ചതും മറ്റ് നിയമലംഘനങ്ങളും അധികൃതര് ചൂണ്ടിക്കാട്ടുന്നു.
കെട്ടിടം ക്രമവല്ക്കരിക്കാന് നിയമസാധുതയില്ലെന്ന നിലപാടിലാണ് നഗരസഭ നേതൃത്വം. ഇക്കാര്യത്തില് സര്ക്കാര് ഇടപെടല് വേണമെന്ന വാദവും അവര് ഉയര്ത്തുന്നുണ്ട്. നിയമങ്ങള് ലംഘിക്കാതെ കെട്ടിടത്തിന് നമ്പര് ലഭ്യമാക്കാന് സാദ്ധ്യമായത് ചെയ്യുമെന്ന് നഗരസഭ ചെയര്മാന് ഐസക് മാടവന പറഞ്ഞു.
കെട്ടിടനിര്മ്മാണം സംബന്ധിച്ച ഫയലുകള്ക്ക് പ്രത്യേക സുരക്ഷ നഗരസഭയില് ഏര്പ്പെടുത്തി. നഗരസഭ അധികൃതര് രാഷ്ട്രീയം കളിക്കുകയാണെന്നും ഇതിനെ നിയമപരമായി നേരിടുമെന്നും സിപിഐ മണ്ഡലം സെക്രട്ടറി എന്.എസ്. ശിവപ്രസാദ് പറഞ്ഞു.
സിപിഐ അപഹാസ്യരായി: ബിജെപി
ചേര്ത്തല: കൈയ്യേറ്റങ്ങള്ക്കെതിരെ നിലപാടെടുത്ത സിപിഐ സ്വന്തം ഓഫീസിന്റെ കാര്യത്തില് നിയമങ്ങള് പാലിക്കാന് തയ്യാറാകാത്തത് അപഹാസ്യമാണെന്ന് ബിജെപി നിയോജകമണ്ഡലം ഭാരവാഹി യോഗം കുറ്റപ്പെടുത്തി. നികുതിയിനത്തില് നഷ്ടമായ തുക തിരിച്ചുപിടിച്ച് അനധികൃത നിര്മാണത്തിനെതിരെ നടപടിയെടുത്തില്ലെങ്കില് നഗരസഭ ഓഫീസ് ഉപരോധം ഉള്പ്പെടെയുള്ള പ്രക്ഷോഭപരിപാടികള് സംഘടിപ്പിക്കുവാനും തീരുമാനിച്ചു. പ്രസിഡന്റ് സാനു സുധീന്ദ്രന് അദ്ധ്യക്ഷനായി. ദക്ഷിണ മേഖലാ പ്രസിഡന്റ് വെള്ളിയാകുളം പരമേശ്വരന്, ജില്ലാ സെക്രട്ടറിമാരായ ടി. സജീവ്ലാല്, സുമി ഷിബു, മണ്ഡലം ജനറല് സെക്രട്ടറിമാരായ എം.എസ്. ഗോപാലകൃഷ്ണന്, അരുണ്.കെ. പണിക്കര്, വൈസ് പ്രസിഡന്റ് എസ്. പത്മകുമാര്, അഭിലാഷ് മാപ്പറമ്പില് എന്നിവര് പ്രസംഗിച്ചു.
സിപിഐ ഓഫീസിലേക്ക് എന്വൈസി മാര്ച്ച്
ചേര്ത്തല: സിപിഐ മണ്ഡലം കമ്മിറ്റി ഓഫീസ് പൊളിച്ചുനീക്കണമെന്ന് ആവശ്യപ്പെട്ട് എന്സിപിയുടെ യുവജനസംഘടനയായ എന്വൈസിയുടെ നേതൃത്വത്തില് മാര്ച്ച് നടത്തി. ഇന്നലെ ഉച്ചയോടെയാണ് പ്രകടനമായി സിപിഐ ഓഫീസിലേക്കെത്തിയത്. സംഘര്ഷ സാധ്യത കണക്കിലെടുത്ത് ഡിവൈഎസ്പി എ.ജി. ലാലിന്റെ നേതൃത്വത്തില് വന് പോലീസ് സന്നാഹം ഓഫീസിന് കാവലേര്പ്പെടുത്തിയിരുന്നു. സംസ്ഥാന പ്രസിഡന്റ് ഷെനില് മന്ദിരാട്ട് ഉദ്ഘാടനം ചെയ്തു. സെക്രട്ടറി പി.എ സമദ് അദ്ധ്യക്ഷനായി. മാര്ച്ച് എന്സിപിയുടേതല്ലെന്നും തോമസ് ചാണ്ടി സ്പോണ്സര് ചെയ്തതാണെന്നുമാണ് ഇതേക്കുറിച്ച് സിപിഐ നേതൃത്വം പ്രതികരിച്ചത്.
