മലപ്പുറം: മോദി പ്രധാനമന്ത്രി ആയതോടെ ഉറക്കം നഷ്ടപ്പെട്ടത് കള്ളപ്പണക്കാര്‍ക്കും ഭൂമാഫിയകള്‍ക്കും, റിയല്‍ എസ്റ്റേറ്റ് ഇടപാടുകാര്‍ക്കുമാണെന്ന് ബിജെപി സംസ്ഥാന സെക്രട്ടറി വി. കെ. സജീവന്‍. രാജ്യത്തെ അഴിമതിയുടെ വ്യാപ്തി തുറന്ന് കാണിക്കാന്‍ നോട്ട് നിരോധനം കൊണ്ട് സാധ്യമായെന്നും അദ്ദേഹം പറഞ്ഞു.
നോട്ട് നിരോധനത്തിന്റെ വാര്‍ഷിക ദിനമായ ഇന്നലെ ബിജെപി കള്ളപ്പണവിരുദ്ധ ദിനമായി ആചരിക്കുന്നതിന്റെ ഭാഗമായി എടപ്പാളില്‍ നടന്ന കള്ളപ്പണ വിരുദ്ധ ദിനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജില്ലയില്‍ വിവിധ നിയോജകമണ്ഡലം കേന്ദ്രങ്ങളില്‍ ബിജെ പിയുടെ ആഭിമുഖ്യത്തില്‍ കള്ളപ്പണ വിരുദ്ധദിനമായി ആചരിച്ചു. കൊണ്ടോട്ടിയില്‍ ബിജെപി സംസ്ഥാന വക്താവ് പി. രഘുനാഥ്, മഞ്ചേരിയില്‍ ജില്ലാ പ്രസിഡന്റ് കെ. രാമചന്ദ്രന്‍, വളാഞ്ചേരിയില്‍ സംസ്ഥാന കമ്മിറ്റിയംഗം അഡ്വ. ശ്രീപത്മനാഭന്‍, വള്ളിക്കുന്ന് മണ്ഡലത്തിലെ ചേളാരിയില്‍ ബിജെപി സംസ്ഥാന കമ്മിറ്റി അംഗം വി. ഉണ്ണികൃഷ്ണന്‍, തിരൂരില്‍ ടി.കെ. അശോക് കുമാര്‍, തിരൂരങ്ങാടിയില്‍ കെ. ജനചന്ദ്രന്‍, താനൂരില്‍ കെ.കെ. സുരേന്ദ്രന്‍, ഏറനാട് കെ. നാരായണന്‍, വണ്ടൂരില്‍ എം. പ്രേമന്‍, മങ്കടയില്‍ എം രാജീവ്, പെരിന്തല്‍മണ്ണയില്‍ അഡ്വ. എന്‍. ശ്രീപ്രകാശ്, നിലമ്പൂരില്‍ അഡ്വ. മാഞ്ചേരി നാരായണന്‍ എന്നിവര്‍ പരിപാടി ഉദ്ഘാടനം ചെയ്തു.
പ്രതികരിക്കാൻ ഇവിടെ എഴുതുക: