കൊച്ചി: ഇന്ത്യയിലെവിടേക്കും റോമിങ്ങില്‍ ഉള്‍പ്പെടെ ബി.എസ്.എന്‍.എല്‍ കോളുകള്‍ക്ക് സെക്കന്റിനു 1 പൈസയും മറ്റ് കോളുകള്‍ക്ക് സെക്കന്റിനു 1.2 പൈസ നിരക്കിലും പുതിയ ദീപം പ്‌ളാന്‍ അവതരിപ്പിച്ചു. 20 രൂപയുടെ സംസാരമൂല്യവും ആദ്യ മാസം 500 എംബി ഡാറ്റയും സൗജന്യമായി ലഭിക്കും. 10 കെബിക്കു 1 പൈസ എന്നതായിരിക്കും ഡാറ്റാ നിരക്ക്. 110, 200, 500, 1000 എന്നീ ടോപ് അപ്പുകള്‍ക്ക് മുഴുവന്‍ സംസാരമൂല്യം ലഭിക്കും.
ഫ്രണ്ട്‌സ് ആന്‍ഡ് ഫാമിലി സ്‌കീം പ്രകാരം ഈ പ്ലാനില്‍ നിന്ന് ഏതെങ്കിലും 4 ലോക്കല്‍ നമ്പറുകളിലേക്കു ബി.എസ്.എന്‍.എല്‍ നമ്പറിന് മിനിട്ടിനു 20 പൈസ നിരക്കിലും മറ്റു നമ്പറുകളിലേക്കു മിനിട്ടിനു 30 പൈസ നിരക്കിലും വിളിക്കാം. ബി.എസ്.എന്‍.എല്‍ ചീഫ് ജനറല്‍ മാനേജര്‍ ഡോ. പി.റ്റി. മാത്യു, അബ്ദുള്‍ കലാം ടെക്‌നോളോജിക്കല്‍ യൂണിവേഴ്‌സിറ്റി വൈസ് ചാന്‍സലര്‍ കുഞ്ചെറിയ പി. ഐസക്കിന് ആദ്യ സിം നല്‍കി പ്ലാനിന്റെ വിതരണോത്ഘാടനം നിര്‍വഹിച്ചു.
കേരളത്തിലെ മൊബൈല്‍ സേവനദാതാക്കളില്‍ നിന്ന് ലഭിക്കുന്ന പ്രീപെയ്ഡ് പ്ലാനുകളിലെ ഏറ്റവും ആകര്‍ഷകവും മികച്ചതുമായ പ്ലാനുകളില്‍ ഒന്നാണിതെന്നു ഡോ. പി.ടി. മാത്യു പറഞ്ഞു.
മറ്റു പ്രീപെയ്ഡ് പ്ലാനുകളില്‍ നിന്ന് ദീപം പ്ലാനിലേക്കു മാറാം. ഇതിനു 123 എന്ന നമ്പറിലേക്ക് ജഘഅച <ടജഅഇഋ> ഉഋഋജഅങ എന്ന് അയച്ചാല്‍ മതി.
പ്രതികരിക്കാൻ ഇവിടെ എഴുതുക: