മലപ്പുറം: കാണി ഫിലിം സൊസൈറ്റിയുടെ ആഭിമുഖ്യത്തില്‍ കാണി ചലച്ചിത്രോത്സവം 10 മുതല്‍ ചങ്ങരംകുളം കൃഷ്ണമൂവീസില്‍ നടക്കുമെന്ന് സംഘാടകര്‍ അറിയിച്ചു. 10ന് വൈകിട്ട് അഞ്ചിന് നിയമസഭാ സ്പീക്കര്‍ പി.ശ്രീരാമകൃഷ്ണന്‍ ഉദ്ഘാടനം ചെയ്യും.
ലോകസിനിമ, ഇന്ത്യന്‍ സിനിമ, മലയാള സിനിമ, ഡോക്യുമെന്ററി, ലഘുചിത്രം തുടങ്ങിയ വിഭാഗങ്ങളിലായി 25ലധികം ചിത്രങ്ങള്‍ പ്രദര്‍ശിപ്പിക്കും. 11ന് വൈകിട്ട് നടക്കുന്ന ഓപ്പണ്‍ ഫോറത്തിന് ചലച്ചിത്ര നിരൂപകന്‍ എം.സി.രാജനാരായണന്‍ നേതൃത്വം നല്‍കും. 12ന് നടക്കുന്ന സമാപന സമ്മേളനം ഫിലിം സൊസൈറ്റി ഫെഡറേഷന്‍ വൈസ് പ്രസിഡന്റ് ചെലവൂര്‍ വേണു ഉദ്ഘാടനം ചെയ്യും.
വാര്‍ത്താസമ്മേളനത്തില്‍ വി.എം.ഹരിഗോവിന്ദ്, സോമന്‍ ചെമ്പോത്ത്, പി.രാജഗോപാലമേനോന്‍, വി.മോഹനകൃഷ്ണന്‍ എന്നിവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: