മുഹമ്മ: ബില് തുക അടക്കാത്തതിനെ തുടര്ന്ന് വൈദ്യുതി ബന്ധം വിച്ഛേദിക്കാനെത്തിയ കെഎസ്ഇബി ജീവനക്കാരെ ഗൃഹനാഥന് കയ്യേറ്റം ചെയ്തതായി പരാതി.
മുഹമ്മ ഇലക്ട്രിസിറ്റി ഓഫീസിലെ ലൈന്മാന് ഹരിദാസ്, വര്ക്കര് സന്തോഷ് എന്നിവരെയാണ് കയ്യേറ്റം ചെയ്തത്. ഇവര് മുഹമ്മ സാമൂഹിക ആരോഗ്യ കേന്ദ്രത്തില് ചികിത്സയിലാണ്. സംഭവവുമായി ബന്ധപ്പെട്ട് പൊന്നാട് ചിലമ്പിത്തയ്യില് സി.സി. നിസാറിനെതിരെ മണ്ണഞ്ചേരി പോലീസ് കേസെടുത്തു.
ബുധനാഴ്ച രാവിലെ ഒന്പതുമണിയോടെ നിസാറിന്റെ വീട്ടിലാണ് സംഭവം. പലതവണ ആവശ്യപ്പെട്ടിട്ടും ബില്ല് അടക്കാത്തതിനെ തുടര്ന്ന് എഇയുടെ നിര്ദേശപ്രകാരം ജീവനക്കാര് ചെന്നപ്പോഴാണ് കയ്യേറ്റം ചെയ്തത്.
