അമ്പലപ്പുഴ: പത്തു വയസ്സുകാരിയെ മദ്രസാദ്ധ്യാപകന് പീഡിപ്പിച്ചതായി പരാതി. കേസ് ഒതുക്കാനുള്ള സിപിഎം, എസ്ഡിപിഐ ശ്രമം പാളി. കരൂര് മുഹമ്മദീയ മസ്ജിദിനു കീഴിലുള്ള മദ്രസയിലാണ് ആറാട്ടുപുഴ കാര്ത്തിക ജങ്ഷനു സമീപമുള്ള മദ്രസാദ്ധ്യാപകന് കുട്ടിയെ രണ്ടാഴ്ച മുമ്പ് പീഡിപ്പിച്ചതായി രക്ഷിതാക്കളോട് പരാതി പറഞ്ഞത്.
ഇതേ തുടര്ന്ന് പരാതി നല്കാന് തയാറായ ബന്ധുക്കളെ ഇരു പാര്ട്ടിയുടേയും നേതാക്കള് എത്തി പിന്തിരിപ്പിക്കാന് ശ്രമിച്ചു. എങ്കിലും രക്ഷകര്ത്താക്കള് അമ്പലപ്പുഴ സ്റ്റേഷനില് പരാതി നല്കുകയായിരുന്നു. എന്നാല് സ്റ്റേഷനില് എത്തിയ ബന്ധുക്കളെ ഏതാനും പോലീസുകാരും പിന്തിരിപ്പിക്കാന് ശ്രമം നടത്തിയതായി ആരോപണം ഉണ്ട്.
പക്ഷേ ബന്ധുക്കള് പരാതിയില് ഉറച്ചു നിന്നതോടെ പോലീസ് കേസ് എടുക്കുകയായിരുന്നു. പ്രതിയെ ഇന്ന് കോടതിയില് ഹാജരാക്കും.
