പാലക്കാട്: പന്ത്രണ്ട് വയസുള്ള ദളിത് പെണ്‍കുട്ടിയേയും രണ്ട് സഹോദരിമാരേയും മദ്യം നല്‍കി വര്‍ഷങ്ങളായി പീഡിപ്പിച്ച കേസില്‍ പ്രതി പിടിയില്‍.
പാലക്കാട് കഞ്ചിക്കോട് സത്രപ്പടി പ്രസാദ്(50) ആണ് പിടിയിലായത്. കഴിഞ്ഞ ദിവസം രാത്രി പത്ത് മണിയോടെയാണ് ഇയാളെ കസബ പോലിസ് കസ്റ്റഡിയിലെടുത്തത്. പ്രസാദിന്റെ പീഡനത്തിനിരയായ പന്ത്രണ്ടുകാരിയേയും മൂത്ത സഹോദരിയേയും പോലിസ് വൈദ്യപരിശോധനക്ക് വിധേയമാക്കി. പന്ത്രണ്ടുവയസുള്ള പെണ്‍കുട്ടിയെ മലമ്പുഴ മഹിളാ മന്ദരിത്തിലേക്ക് അയച്ചു.
പീഡനത്തിനിരയായ പതിനേഴുകാരി രണ്ട് വര്‍ഷം മുമ്പ് ഒരു ആണ്‍കുഞ്ഞിന് ജന്മം നല്‍കിയിരുന്നു. പതിനാല് വയസ് മുതലെ പ്രസാദിന്റെ പീഡനത്തിന് ഇരയായ പെണ്‍കുട്ടി പതിനഞ്ചാം വയസിലാണ് പ്രസവിച്ചത്. പ്രസാദിന്റെ മൊബൈല്‍ ഷോപ്പില്‍ ജീവനക്കാരിയായിരുന്നു. ഇവിടെ നിന്നുള്ള ബന്ധമാണ് പീഡനത്തില്‍ കലാശിച്ചത്. പതിനാലുകാരി പീഡനത്തിനിരയായി ഗര്‍ഭിണിയായത് പരിസരവാസികളും പഞ്ചായത്ത് അംഗവും അങ്കണവാടി ടീച്ചര്‍മാരുള്‍പ്പടെ ബന്ധപ്പെട്ടവരെ അറിയിക്കാതെ മറച്ചുവെക്കുകയായിരുന്നു. വീട്ടുകാര്‍ക്ക് പരാതിയില്ലാത്തതിനെ തുടര്‍ന്നാണ് ബന്ധപ്പെട്ടവരെ അറിയിക്കാതിരുന്നതെന്നാണ് വിശദീകരണം.
പ്രസാദ് വിവാഹിതനും രണ്ടു മക്കളുടെ പിതാവുമാണ്. പീഡനത്തിന് ഇരയായി പ്രസവിച്ച പെണ്‍ക്കുട്ടിയെ ആറുമാസം മുമ്പ് ചാവടിയെന്ന സ്ഥലത്ത് വീട് വാടകക്ക് എടുത്ത് അവിടേക്ക് മാറ്റിയിരുന്നു.ഇതിനുശേഷമാണ് താഴെയുള്ള മറ്റ് പെണ്‍കുട്ടികളെയും ഉപദ്രവിക്കാന്‍ തുടങ്ങി.
കഞ്ചിക്കോട് സ്‌കൂളില്‍ എട്ടാം തരത്തില്‍ പഠിക്കുന്ന പെണ്‍കുട്ടി സഹപാഠികളോട് പറഞ്ഞതോടെയാണ് പീഡന വിവരം പുറത്തറിഞ്ഞത്. വീടിനടുത്തുള്ള അങ്കണവാടിയില്‍ നടത്തിയ കൗണ്‍സിലിങ്ങിലും കുട്ടി ഇക്കാര്യങ്ങള്‍ തുറന്നു പറഞ്ഞിരുന്നു.ദാരിദ്രത്തില്‍ വലയുന്ന കുടുംബത്തിലെ പെണ്‍കുട്ടികളാണ് ചൂഷണത്തിനിരയായിരിക്കുന്നത്..
മേല്‍ക്കൂരയില്ലാത്ത ഇടിഞ്ഞുവീഴാറ വീട്ടിലാണ് ഇവരുടെ താമസം. വാതിലുകളും ഇല്ല.രാത്രികാലങ്ങളില്‍ സമീപത്തെ കോണ്‍ക്രീറ്റ് ചെയ്ത ചെറിയറോഡിലാണ് അന്തിയുറങ്ങുന്നത്. മദ്യപാനിയായ അച്ഛനാവട്ടെ ജോലിക്കൊന്നും പോവാറില്ല. അമ്മ കൂലിപ്പണിക്ക് പോയി ലഭിക്കുന്ന വരുമാനത്തിലാണ് ജീവിതം തള്ളിനീക്കുന്നത്.ഇവരുടെ ദാരിദ്ര്യം ചൂഷണം ചെയ്താണ് നാട്ടുകാരനായ പ്രതി ഇവരെ പീഡിപ്പിച്ചിരുന്നത്.
പ്രതികരിക്കാൻ ഇവിടെ എഴുതുക: