ഹോമിയോ ഫെസ്റ്റ്

കൊച്ചി: സൗത്ത് ഇന്‍ഡ്യ ഹോമിയോ ഫെസ്റ്റ് ചോറ്റാനിക്കര ഡോ. പടിയാര്‍ മെമ്മോറിയല്‍ ഹോമിയോപ്പതിക്ക് മെഡിക്കല്‍ കോളേജില്‍ 28,29,30 തീയ്യതികളില്‍ നടക്കുമെന്ന് ജനറല്‍ കണ്‍വീനര്‍ മുഹമ്മദ് അഷ്ഫാഖ് വാര്‍ത്താസമ്മേളനത്തില്‍ അറിയിച്ചു. ‘ആഭേരി 2017’ എന്നപേരിലാണ് ഫെസ്റ്റിന് പേരിട്ടിരിക്കുന്നത്. 600 ഓളം പേര്‍ കലാമേളയില്‍ പങ്കെടുക്കും.സംസ്ഥാനത്തും, ഇതരസംസ്ഥാനങ്ങളില്‍ നിന്നുമായി 13 കോളേജുകളില്‍ നിന്നും 40 ഇനങ്ങളിലാണ് മത്സരം നടക്കുക. തൃപ്പൂണിത്തുറ എംഎല്‍എ എം.സ്വരാജ് കലാമേളക്ക് 28 ന് തിരിതെളിയിക്കും. സാഗര്‍. എം.കെ, ജുനൈദ് എന്‍.യു എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.