തൊടുപുഴ/അടിമാലി: വിദ്യാര്ത്ഥികളുടെ ജീവന് സുരക്ഷ ഒരുക്കുക എന്ന ലക്ഷ്യത്തോടെ പോലീസ് നടത്തിയ സംയുക്ത പരിശോധനയില് മദ്യപിച്ച് സ്കൂള് വാഹനം ഓടിച്ച 11 പേര് ഇടുക്കിയില് പിടിയിലായി. ഇന്നലെ രാവിലെ ആറ് മുതല് 10 വരെ ‘ഓപ്പറേഷന് ലിറ്റില് സ്റ്റാര്’ എന്ന പേരിലായിരുന്നു പോലീസിന്റെ വാഹന പരിശോധന. എറണാകുളം റേഞ്ച് ഐ.ജി. പി.വിജയന്റെ നിര്ദ്ദേശ പ്രകാരം എറണാകുളം, ഇടുക്കി, പത്തനംതിട്ട, കോട്ടയം ജില്ലകളിലെ സ്കൂള് വാഹനങ്ങളിലാണ് പരിശോധന നടത്തിയത്.
മൂന്നാര് പോലീസ് സബ് ഡിവിഷന് കീഴില് ആറ്, തൊടുപുഴ മൂന്ന്, കട്ടപ്പന
രണ്ട് എന്നിങ്ങനെയാണ് മദ്യപിച്ച് വാഹനമോടിച്ച കേസില് പിടിയിലായവരുടെ എണ്ണം. അടിമാലി ഈസ്റ്റേണ് സ്കൂളിന്റെ ബസ് കുട്ടികളില്ലാതെ ഓടിച്ച് പോയ ഒഴുവത്തടം സ്വദേശി രവി, കോഴിക്കോട് മടപ്പാളി ഗവണ്മെന്റ് ഹയര്സെക്കന്ററി സ്കൂളിന്റെ വാഹനം ഓടിച്ചിരുന്ന കോഴിക്കോട് സ്വദേശി സൈലേഷ്, പയ്യോളി സ്വദേശി വിനോദ് എന്നിവരാണ് അടിമാലിയില് കുടങ്ങിയത്.
കോഴിക്കോട് നിന്നും മൂന്നാര് സന്ദര്ശനത്തിന് വന്ന മൂന്ന് സ്കൂള് ബസുകളില് രണ്ട് വാഹനത്തിന്റെ ഡ്രൈവര്മാര് മദ്യപിച്ചതായി കണ്ടെത്തി. ശാന്തമ്പാറയിലാണ് ഒരു കേസ് എടുത്തിരിക്കുന്നത്.
കരിമ്പാറ സ്കൂളിന്റെ ബസ് ഡ്രൈവര് രാഹുല് കട്ടപ്പന പോലീസിന്റെ പിടിയിലായി. എംഇഎസ് കോളേജിന്റെ വിദ്യാര്ത്ഥികളില്ലാത്ത ബസുമായി വന്ന ഡ്രൈവര് ഷാജഹാനെ വണ്ടന്മേട് പോലീസാണ് പിടികൂടിയത്.
തൊട
ുപുഴയില് രണ്ട് കേസുകളാണ് പിടികൂടിയത്. എറണാകുളം സ്വദേശി സിജു ഓട്ടോറിക്ഷയില് കുട്ടികളുമായി പോകുന്നതിനിടെയും തൊടുപുഴ സ്വദേശി സുനില്കുമാര് പെരുമ്പാവൂര് ഹോളി ക്രസന്റ് കോളേജ് ഓഫ് ആര്ക്കിടെക്ച്ചര് ബസ് ഓടിക്കുന്നതിനിടെയുമാണ് അറസ്റ്റിലായത്. ഇളദേശം സ്വദേശി ജിന്സ് ജീപ്പില് കുട്ടികളുമായി വരുന്നതിനിടെ കരിമണ്ണൂര് പോലീസിന്റെ പിടിയിലുമായി.
വൈപ്പര്, ടയര്, ബ്രേക്ക് ലൈറ്റ് തുടങ്ങിയവയാണ് പ്രധാനായും പരിശോധിച്ചത്. മൊത്തം 438 വാഹനങ്ങള് പരിശോധിച്ചതില് മദ്യപിച്ചത് കൂടാതെ 33 പെറ്റി കേസുകള് എടുത്തിട്ടുണ്ട്. പ്രശ്നങ്ങള് പരിഹരിച്ച് ഉടന് വണ്ടി ഹാജരാക്കണമെന്ന് നിര്ദ്ദേശിച്ചതായും പിടിയിലായവരുടെ ലൈസന്സ് റദ്ദാക്കുവാന് മോട്ടോര്ര്
വാഹന വകുപ്പിന് കത്ത് നല്കുമെന്നും വിവിധ എസ്ഐമാര് പറഞ്ഞു. പിടിയിലായവരെ കോടതിയില് ഹാജരാക്കി. കുട്ടികുളുമായി എത്തിയവര്ക്കെതിരെ ജുവനൈല് ജസ്റ്റിസ് നിയമ പ്രകാരവും കേസെടുത്തിട്ടുണ്ട്.
