കല്ലേക്കുളങ്ങര:സത്യസായി ബാബയുടെ 92-ാം ജന്മദിനാഘോഷങ്ങളുടെ ഭാഗമായി സത്യസായി സേവാ സംഘടന 85 മണിക്കൂര് അഖണ്ഡഭജന ഇന്ന് മുതല് 22 വരെ നടത്തും.
ബാബ 85 വര്ഷം ഭൂമിയില് ഭക്തജനങ്ങള്ക്ക് പ്രചോദനമായി ജീവിച്ചതിന്റെ സ്മരണയിലാണ് ഈ 85 മണിക്കൂര് തുടര്ച്ചയായുള്ള സായി ഭജന സംഘടിപ്പിക്കുന്നത്.
കല്ലേക്കുളങ്ങര സത്യസായി നഗറിലുള്ള ഒലവക്കോട് സത്യസായി ഭജന മണ്ഡപത്തില് ഇന്ന് രാവിലെ 5 മണിക്ക് ആരംഭിക്കുന്ന ഭജന 22ന് വൈകുന്നേരം 6 മണിവരെ ഇടതടവില്ലാതെ നടക്കും.
ജില്ലയിലെ 25 ഓളം സായി സെന്ററുകളില് നിന്നായി ആയിരത്തോളം പേര് ഈ അഖണ്ഡയജ്ഞത്തില് പങ്കെടുക്കുമെന്ന് ജില്ലാ പ്രസിഡന്റ് എ.വി.സുരേഷ് കുമാര് അറിയിച്ചു. കേരളത്തിലെ 14 ജില്ലകളിലും ഒരേസമയം അഖണ്ഡ ഭജന നടക്കും.
