കൊച്ചി: നഗരത്തില്‍ പാര്‍ക്ക് അവന്യൂ റോഡില്‍ പാര്‍ക്കിനു മുന്‍വശം ഹോസ്പിറ്റല്‍ ജങ്ഷനില്‍ സ്ഥാപിച്ചിട്ടുള്ള ഇലക്‌ട്രോണിക് ട്രാഫിക് സിഗ്നല്‍ സംവിധാനം കൊച്ചി സിറ്റി ജില്ലാ പോലീസ് മേധാവി എം.പി.ദിനേശ് ഉദ്ഘാടനം ചെയ്തു. കൊച്ചി സിറ്റി ട്രാഫിക് വെസ്റ്റ് അസ്സി. പോലീസ് കമ്മീഷണര്‍ എം.എ.നസീര്‍, സിറ്റി ട്രാഫിക് വെസ്റ്റ് പോലീസ് ഇന്‍സ്‌പെക്ടര്‍ വിമല്‍.വി, കൊച്ചി സിറ്റിയിലെ മറ്റ് പോലീസ് ഉദ്യോഗസ്ഥര്‍ തുടങ്ങിയവര്‍ പങ്കെടുത്തു. എറണാകുളം ആശുപത്രി ജങ്ഷനിലെ തിരക്ക് നിയന്ത്രിക്കണമെന്ന പൊതു ജനങ്ങളുടെ ഏറെക്കാലമായുള്ള പരാതിക്ക് ഇതോടെ പരാഹാരമായി. കൂടാതെ അവധി ദിവസങ്ങളിലും പാര്‍ക്കിലും മറ്റുമായി വരുന്ന യാത്രക്കാരുടെ സുഗമമായ യാത്രക്ക് ഇത് വളരെയധികം പ്രയോജനപ്പെടുമെന്ന് കൊച്ചി സിറ്റി ട്രാഫിക് വെസ്റ്റ് അസ്സി. പോലീസ് കമ്മീഷണര്‍ എം.എ.നസീര്‍ പറഞ്ഞു.
പ്രതികരിക്കാൻ ഇവിടെ എഴുതുക: