പാലക്കാട്:ജിഹാദി ചുവപ്പു ഭീകരതക്കെതിരെ എല്ലാവര്ക്കും ജീവിക്കണം’ എന്ന മുദ്രാവാക്യമുയര്ത്തി ബിജെപി സംസ്ഥാന അധ്യക്ഷന് കുമ്മനം രാജശേഖരന് നയിക്കുന്ന ജനരക്ഷായാത്ര ഇന്നും നാളെയും ജില്ലയില് പര്യടനം നടത്തും.
കേന്ദ്രമന്ത്രിമാരും,ദേശീയ സംസ്ഥാന നേതാക്കളും രാജ്യത്തിന്റെ വിവിധ ഭാഗങ്ങളില് നിന്നുള്ള പ്രവര്ത്തകരും ഉള്പ്പെടെ പതിനയ്യായിരത്തിലധികം പേര് പദയാത്രയില് അണിനിരക്കും.
മലപ്പുറത്തുനിന്നുമെത്തുന്ന ജനരക്ഷായാത്രക്ക് ഇന്നു രാവിലെ 10 മണിക്ക് തൃത്താല മണ്ഡലത്തിലെ നീലിയാട് ജില്ലയിലെ ആദ്യ സ്വീകരണം നല്കും. തുടര്ന്ന് 10.30ന് പട്ടാമ്പിയില് കെ.ടി.ജയകൃഷ്ണന് മാസ്റ്റര് നഗറില് നടക്കുന്ന സ്വീകരണ പരിപാടിയില് ബിജെപി ദേശീയ വക്താവ് ഷാനവാസ് ഹുസൈന്,എംപിമാരായ സുരേഷ് ഗോപി ,റിച്ചാഡ് ഹെ, ഒ.രാജഗോപാല് എംഎല്എ എന്നിവര് പങ്കെടുക്കും. തുടര്ന്ന് വാഹനത്തില് 1.30ന് ഷൊര്ണ്ണൂര്, ഒറ്റപ്പാലം,പത്തിരിപ്പാല,കേരളശ്ശേരി, കോങ്ങാട് വഴി മുണ്ടൂരില് എത്തിച്ചേരും. സിപിഎമ്മിന്റെ കൊലക്കത്തിക്കിരയായ ജില്ലയിലെ ആദ്യബലിദാനി നൊച്ചുപ്പുള്ളി രാമകൃഷ്ണന്റെ ചിത്രത്തിനു മുന്നില് പുഷ്പ്പാര്ച്ചന നടത്തിയ ശേഷം 2.30ന് മുണ്ടൂരില് നിന്നും ചെറിയ കോട്ടമൈതാനിയിലേക്ക് പദയാത്ര ആരംഭിക്കും.
കേന്ദ്ര പാര്ലിമെന്ററി കാര്യമന്ത്രി അനന്ത് കുമാര്, വിദേശകാര്യ സഹമന്ത്രി ജനറല് വി.കെ.സിംഗ്, ബിജെപി ദേശീയ ജനറല് സെക്രട്ടറി മുരളീധര് റാവു, ദേശീയ വക്താവ് ഷാനവാസ് ഹുസൈന്,ബിജെപി ദല്ഹി അധ്യക്ഷന് മനോജ് തീവാരിഎംപി, തമിഴ്നാട് ബിജെപി അധ്യക്ഷ ഡോ.തമിഴ്ഇസൈ സൗന്ദര്രാജ്, ജാര്ഖണ്ഡ് സംസ്ഥാന പ്രസിഡന്റ് അമിത് സിങ്, യുവമോര്ച്ച ദേശീയ വൈസ് ്പ്രസിഡന്റ് മുരുകാനന്ദം, ദേശീയ സെക്രട്ടറി അനൂപ്, നിഥിന് നവീന് എംഎല്എയുടെ നേതൃത്വത്തില് ബീഹാറില് നിന്നുമുള്ള 100 പേരടങ്ങുന്ന യുവമോര്ച്ച സംഘം, തമിഴ്നാട്ടില് നിന്ന് 200 പേരടങ്ങുന്ന സംഘവും, കര്ണ്ണാടകയില് നിന്ന് 100 പേരടങ്ങുന്ന സംഘവും, ജാര്ഖണ്ഡില് നിന്ന് 120 യുവമോര്ച്ച പ്രവര്ത്തകരും ബീഹാറില് നിന്ന് 110 പ്രവര്ത്തകരും യാത്രയില് ഐക്യദാര്ഢ്യം പ്രകടിപ്പിച്ച് പങ്കെടുക്കുന്നുണ്ട്.
പുതുപ്പരിയാരം, ഒലവക്കോട്, പുതിയപാലം വിക്ടോറിയ കോളേജ്, കോര്ട്ട് റോഡ് വഴി പദയാത്ര ചെറിയ കോട്ടമൈതാനത്ത് എത്തിച്ചേരും. തുടര്ന്ന് സിപിഎം കൊലപ്പെടുത്തിയ പ്രവര്ത്തകരുടെ ഫോട്ടോയില് പുഷ്പ്പാര്ച്ചന നടത്തിയശേഷം പൊതുസമ്മേള്ളനം ആരംഭിക്കും.
ബലിദാനികളുടെ കുടുംബങ്ങളും പങ്കെടുക്കും.വൈകിട്ട് ആറിന് പാലക്കാട് ചെറിയ കോട്ടമൈതാനിയില് നടക്കുന്ന പൊതുസമ്മേളനം കേന്ദ്രമന്ത്രി അനന്ത്കുമാര് ഉദ്ഘാടനം ചെയ്യും. ദേശീയവക്താവ് ഷാനവാസ്ഹുസൈന് ,ബിജെപി സംസ്ഥാന നേതാക്കള് തുടങ്ങിയവര് സംസാരിക്കും. പദയാത്രയായില് ജില്ലയിലെ മലമ്പുഴ, പാലക്കാട്,ഒറ്റപ്പാലം, ഷൊര്ണ്ണൂര്, മണ്ണാര്ക്കാട്, കോങ്ങാട് എന്നീ ആറു മണ്ഡലങ്ങളില് നിന്നുള്ള പ്രവര്ത്തകര് അണിനിരക്കും.
നാളെ രാവിലെ 10.30ന് വടക്കഞ്ചേരിയില് നടക്കുന്ന സ്വീകരണ സമ്മേളനം കേന്ദ്ര വിദേശകാര്യ സഹമന്ത്രി ജനറല് വി.കെ.സിംഗ്,കേന്ദ്രമന്ത്രി രവിശങ്കര് പ്രസാദ്,മധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാന് തുടങ്ങിയവര് പങ്കെടുക്കും.
