വേങ്ങര: ഉപതെരഞ്ഞെടുപ്പ് പ്രചാരണത്തിന് കൂടുതല്‍ ശക്തിപകരാന്‍ നാളെ ജനരക്ഷായാത്ര വേങ്ങരയിലെത്തും. എല്ലാവര്‍ക്കും ജീവിക്കണം, ജിഹാദി ചുവപ്പ് ഭീകരതക്കെതിരെ ബിജെപി സംസ്ഥാന അദ്ധ്യക്ഷന്‍ കുമ്മനം രാജശേഖരന്‍ നയിക്കുന്ന ജനരക്ഷായാത്രയുടെ ജില്ലയിലെ ആദ്യ സ്വീകരണകേന്ദ്രമാണ് വേങ്ങര. രാവിലെ 10ന് ജില്ലാ അതിര്‍ത്തിയില്‍ ഊഷ്മളമായ സ്വീകരണം നല്‍കും. തുടര്‍ന്ന് വേങ്ങര ടൗണില്‍ നടക്കുന്ന പൊതുസമ്മേളനം കേന്ദ്ര ഗ്രാമവികസന വകുപ്പ് മന്ത്രി നരേന്ദ്രസിംഘ് തോമാര്‍ ഉദ്ഘാടനം ചെയ്യും. ബിജെപി ദേശീയ വക്താവ് ഷനവാസ് ഹുസൈന്‍ മുഖ്യപ്രഭാഷണം നടത്തും. വൈകിട്ട് മൂന്ന് മണിക്ക് കുറ്റിപ്പുറത്ത് നിന്ന് എടപ്പാളിലേക്ക് പദയാത്ര ആരംഭിക്കും. 5.30ന് എടപ്പാളില്‍ നടക്കുന്ന പൊതുസമ്മേളനത്തില്‍ മഹാരാഷ്‌ട്ര മുഖ്യമന്ത്രി ദേവേന്ദ്ര ഫട്‌നാവിസ്, കേന്ദ്രമന്ത്രി നരേന്ദ്രസിംഗ് തോമാര്‍, എംപിമാരായ ഷാനാവാസ് ഹുസൈന്‍, റിച്ചാര്‍ഡ് ഹേ എന്നിവരും ബിജെപി ദേശീയ-സംസ്ഥാന നേതാക്കളും പങ്കെടുക്കും.
അഖിലേന്ത്യപ്രസിഡന്റ് അബ്ദുള്‍ റഷീദ് അന്‍സാരിയുടെ നേതൃത്വത്തില്‍ ഇന്നലെ ന്യൂനപക്ഷ മോര്‍ച്ച പ്രവര്‍ത്തകര്‍ പരസ്യപ്രചാരണത്തിന് നേതൃത്വം നല്‍കി. ബിജെപി ദേശീയ കൗണ്‍സിലംഗം പി.ടി.ആലിഹാജി, സംസ്ഥാന കമ്മിറ്റിയംഗം ബാദുഷ തങ്ങള്‍, മുന്‍ സംസ്ഥാന പ്രസിഡന്റ് അഡ്വ.ടി.പി.സാബു, സംസ്ഥാന വൈസ് പ്രസിഡന്റ് പി.കുഞ്ഞിമുഹമ്മദ്, അലി പുത്തനത്താണി, ഫിറോസ് ഖാന്‍, പി.ഹാത്തിഖ, ജലീല്‍ കണ്ണന്തള്ളി, മുഹമ്മദ് റഫീഖ്, എന്നിവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: