പുസ്തകോത്സവം തുടങ്ങി

കൊച്ചി: കേരള ഭാഷാ ഇന്‍സ്റ്റിറ്റ്യൂട്ടിന്റെ സാഹിത്യ സാംസ്‌കാരിക പുസ്തകോത്സവത്തിന് എറണാകുളം വിമന്‍സ് അസോസിയേഷന്‍ ഹാളില്‍ ഹൈബി ഈഡന്‍ എംഎല്‍എ ഉദ്ഘാടനം ചെയ്തു. കേരള ഭാഷാ ഇന്‍സ്റ്റിറ്റ്യൂട്ട് ഡയറക്ടര്‍ പ്രൊഫ.വി. കാര്‍ത്തികേയന്‍ നായര്‍ അദ്ധ്യക്ഷനായി. എന്‍ബിടി അസിസ്റ്റന്റ് എഡിറ്റര്‍ റൂബിന്‍ ഡിക്രൂസ്, എഴുത്തുകാരന്‍ എന്‍.ഇ. സുധീര്‍, വില്‍പനവിഭാഗം അസിസ്റ്റന്റ് ഡയറക്ടര്‍ ഡോ.ഷിബു ശ്രീധര്‍, സബ് എഡിറ്റര്‍ നിതിന്‍ ചന്ദ്രന്‍ എന്നിവര്‍ സംസാരിച്ചു. രാവിലെ 9.30 മുതല്‍ 8.30 വരെയാണ് പുസ്തകോത്സവം. 20 മുതല്‍ 60 ശതമാനം വരെ വിലക്കിഴിവ് ലഭ്യമാണ്. 15ന് സമാപിക്കും.