മണ്ണാര്ക്കാട്:മലയോര ഹൈവേ കരടിയോട്-കണ്ടമംഗലം വഴി നിര്മ്മിക്കുന്നതിനുള്ള നടപടി സ്വീകരിക്കണമെന്നാവശ്യപ്പെട്ട് കരടിയോട് മലയോര ഹൈവേആക്ഷന്കമ്മിറ്റി പ്രവര്ത്തകര് എന്.ഷംസുദ്ദീന് എംഎല്എയ്ക്ക് നിവേദനം നല്കി.
കരടിയോട് മലയോര ഹൈവേ ആക്ഷന്കമ്മിറ്റി ചെയര്മാന് ജോസ് കൊച്ചുമുട്ടവും കണ്വീനര് കെ.സലാമും ചേര്ന്നാണ് നിവേദനം നല്കിയത്. ഹൈവേ കരടിയോട് വഴി വരുന്നതിന്റെ ആവശ്യകതയും പ്രവര്ത്തകര് എംഎല്എയെ ബോധിപ്പിച്ചു.
സര്ക്കാര് അംഗീകരിച്ച പ്രൊപ്പോസല് മാറ്റുമ്പോള് വരുന്ന സാങ്കേതിക പ്രശ്നങ്ങളേക്കുറിച്ച് എംഎല്എ പ്രവര്ത്തകര്ക്ക് മുന്നില് വിവരിച്ചു. പുതിയ പ്രൊപ്പോസല് പ്രകാരം രണ്ടോ മൂന്നോ പാലത്തിനുള്ള അനുമതി ഉള്പ്പെടെ ചിലവിന്റെ കാര്യത്തില് മാറ്റം വരും.
ഇക്കാര്യം അറിയിക്കുമ്പോള് സര്ക്കാര് എടുക്കുന്ന തീരുമാനം നിര്ണ്ണായകമാണ്. ജനങ്ങളുടെ ശക്തമായ അഭിപ്രായം കണക്കിലെടുത്ത് പുതിയ പ്രൊപ്പോസല് സര്ക്കാരിനെക്കൊണ്ട് സമ്മതിപ്പിക്കാനുള്ള എല്ലാ ശ്രമവും തന്റെ ഭാഗത്ത് നിന്നുണ്ടാവുമെന്ന് എംഎല്എ പറഞ്ഞു.
