വടക്കഞ്ചേരി:വടക്കഞ്ചേരി മാര്ക്കറ്റ് റോഡില് സുനിത ജംഗ്ഷന് മുതല് പഴയ മീനാക്ഷി സുന്ദരം ഹോസ്പിറ്റല് വരെയുള്ള ഭാഗം എന്നും അഴിയാക്കുരുക്കായി കിടക്കുന്നു.വാഹനങ്ങളുടെ വര്ദ്ധനവിനനുസരിച്ച് നാട്ടിലെ റോഡുകള് വികസിച്ചു എങ്കിലും ഇവിടെ മാത്രം ഇടുങ്ങിയ പാത പഴയപടി തന്നെ.
കഷ്ടിച്ച് രണ്ടു ചെറുവാഹനങ്ങള് മാത്രം ഒരേ സമയം ഇരുഭാഗത്തേക്കുംപോവാന് സാധ്യമാവുന്ന ഈ ഭാഗത്ത് പാര്ക്കിംഗ് കര്ശനമായി നിരോധിച്ചിട്ടുണ്ട്. എന്നാല് മിക്കവാറും സമയങ്ങളില് ഇതൊന്നും ഗൗനിക്കാതെയാണ് ചില വാഹനങ്ങള് ദീര്ഘനേരം ഇവിടെ നിര്ത്തിയിട്ട് പോവാറുള്ളത്.
ഇത് മിക്ക സമയങ്ങളിലും ഗതാഗതക്കുരുക്കിന് കാരണമാവുന്നു.ട്രാഫിക്ക് പരിഷ്കരണത്തിന്റെ ഭാഗമായി പകല് സമയങ്ങളില് പോലീസിനെ നിയോഗിച്ചിരുന്നു.എങ്കിലും ഈ അവസ്ഥയില് ഇതൊന്നും പ്രായോഗികമല്ല.മലയോര മേഘലയിലേക്ക് പോവേണ്ടതായ എല്ലാ വാഹനങ്ങളും കിഴക്കഞ്ചേരി റോഡിലൂടെ വേണം പോവാന്.
അതുകൊണ്ട് തന്നെ വളരെ തിരക്കേറിയ റോഡായതിനാല് ഇവിടെ മുഴുവന് സമയവും പോലീസിന്റെ നിരീക്ഷണവും കര്ശനമായ പാര്ക്കിംഗ് നിയന്ത്രണവും വേണമെന്നാണ് ജനങ്ങളുടെ ആവശ്യം അധികൃതര് ചെവികൊള്ളുന്നില്ല.
