വണ്ടിത്താവളം:ലോകവയോജന ദിനത്തില് ഒരു ഗ്രാമം ഒത്തുചേര്ന്ന് ഗ്രാമത്തിലെ മുഴുവന് വൃദ്ധജനങ്ങളെയും ആദരിച്ചു.അവര്ക്കുവേണ്ടി വിവിധ മത്സരങ്ങളും സംഘടിപ്പിച്ചു.പെരുമാട്ടി ഗ്രാമപഞ്ചായത്തിലെ മണിയാട്ട് കൊളമ്പ് അങ്കണവാടി മോണിറ്ററിങ് കമ്മിറ്റിയുടെ നേതൃത്വത്തിലാണ് പരിപാടികള് സംഘടിപ്പിച്ചത്.
ഗ്രാമത്തിലെ ഏറ്റവും മുതിര്ന്ന വൃദ്ധ ദമ്പതികളായ ഗോപാലന് കാര്ത്യായനി ദമ്പതികളെ വിശിഷ്ട അതിഥികളായി തെരഞ്ഞെടുത്തു.തുടര്ന്ന് സമൂഹസദ്യയും,വൃദ്ധരുടെ കലാകായിക മത്സരങ്ങളും നടത്തി.
പരിപാടി വാര്ഡ് മെമ്പര് കെ.മണി ഉദ്ഘാടനം ചെയ്തു.വയോജന ക്ലബ് സെക്രട്ടറി എ.ദൈവാനി, അധ്യക്ഷത വഹിച്ചു.ഐസിഡിഎസ് സൂപ്പര്വൈസര്.സുജാത,ഡബ്ലിയുപിഎസ്ഐ ദക്ഷിണേന്ത്യ കോര്ഡിനേറ്റര്.എസ്.ഗുരുവായൂരപ്പന്,അങ്കണവാടി വര്ക്കര്.അംബിക.എസ്.ദാസ്, മോണിറ്ററിങ് കമ്മിറ്റി പ്രസിഡണ്ട് പ്രിയ ഉദയന്,സെക്രട്ടറി.എം.സുന്ദരന്,കെ.ശിവന് എന്നിവര് സംസാരിച്ചു.
