തിരൂരങ്ങാടി: ആയിരക്കണക്കിനു വിശ്വാസികള്‍ക്ക് ആത്മീയ സാഫല്യം പകര്‍ന്ന്, ഭക്തി നിര്‍ഭരമായ പ്രാര്‍ത്ഥനയോടെ 179-ാം മമ്പുറം ആണ്ടുനേര്‍ച്ചക്ക് കൊടിയിറങ്ങി. ജാതിമത ഭേദമന്യേ മലബാറിലെങ്ങും ആദരിക്കപ്പെടുന്ന സ്വതന്ത്രസമര സേനാനിയും ആത്മീയനായകനുമായ ഖുതുബുസ്സമാന്‍ അലവി തങ്ങളുടെ വേര്‍പാടിന്റെ നൂറ്റി എഴുപത്തിയൊമ്പത് വര്‍ഷങ്ങള്‍ പിന്നിട്ടിട്ടും അദ്ദേഹത്തിന്റെ ആത്മീയ സാന്നിധ്യം തേടി വിവിധ ദിക്കുകളില്‍ നിന്ന് നിരവധി തീര്‍ത്ഥാടകരാണ് മമ്പുറത്തെത്തിയത്. നേര്‍ച്ചയുടെ പ്രധാന ചടങ്ങുകളിലൊന്നായ അന്നദാനം സ്വീകരിക്കാന്‍ സംസ്ഥാനത്തിന്റ വിവിധ ഭാഗങ്ങളില്‍ നിന്നുള്ള തീര്‍ത്ഥാടകര്‍ പുലര്‍ച്ചെ തന്നെ മമ്പുറത്തെത്തി. സത്രീകള്‍ക്കും പുരുഷന്മര്‍ക്കും പ്രത്യേകം സംവിധാനിച്ച കൗണ്ടറുകളിലായി നടന്ന അന്നദാനത്തിന് ഒരുലക്ഷത്തിലേറെ നെയ്ച്ചോര്‍ പാക്കറ്റുകളാണ് തയ്യാറാക്കിയത്. രാവിലെ എട്ടരയോടെ ആരംഭിച്ച അന്നദാനം ഹൈദരലി ശിഹാബ് തങ്ങള്‍ ഉദ്ഘാടനം ചെയ്തു. അബ്ദുറഹ്മാന്‍ ജിഫ്രി തങ്ങള്‍ കോഴിക്കോട് അദ്ധ്യക്ഷനായി.
Sunday, November 24, 2024
മമ്പുറം ആണ്ടുനേര്‍ച്ച സമാപിച്ചു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: