ആലപ്പുഴ: അനധികൃത ഭൂമി കയ്യേറ്റത്തിനും നിര്മാണത്തിനും നിലനികത്തുന്നതിനും നേതൃത്വം നല്കിയ മന്ത്രി തോമസ് ചാണ്ടി രാജിവെക്കണമെന്നും അല്ലാത്തപക്ഷം മന്ത്രിസഭയില് നിന്ന് പുറത്താക്കണമെന്ന് ആവശ്യപ്പെട്ട് ബിജെപി ആലപ്പുഴ ജില്ലാ കമ്മിറ്റിയുടെ നേതൃത്വത്തില് 26ന് കളക്ട്രേറ്റ് മാര്ച്ച് സംഘടിപ്പിക്കാന് ബിജെപി ജില്ലാ നേതൃയോഗം തീരുമാനിച്ചു.
തോമസ് ചാണ്ടിയുടെ പേരില് ഉയര്ന്ന ആരോപണങ്ങളെ സംബന്ധിച്ച് സംസ്ഥാന സര്ക്കാരും സിപിഎം നേതൃത്വവും കുറ്റകരമായ മൗനം വെടിഞ്ഞ് നിലപാട് വ്യക്തമാക്കണമെന്നും ബിജെപി ജില്ലാ നേതൃത്വ യോഗം ആവശ്യപ്പെട്ടു. തോമസ് ചാണ്ടിയുടെ അമിതമായ സമ്പത്തിന് മുകളില് കീഴടങ്ങുന്ന രീതിയാണ് ഇടത്വലത് മുന്നണികള് നടത്തിവരുന്നത്. കളക്ട്രേറ്റ് മാര്ച്ച് ബിജെപി സംസ്ഥാന ജനറല് സെക്രട്ടറി എം.ടി രമേശ് ഉദ്ഘാടനം ചെയ്യും. എന്ഡിഎ സംസ്ഥാന ജില്ല നേതാക്കള് സംസാരിക്കും.
ബിജെപി ജില്ലാ നേതൃയോഗം സംസ്ഥാന സെക്രട്ടറി വി. ശിവന്കുട്ടി ഉദ്ഘാടനം ചെയ്തു. ജില്ലാ പ്രസിഡന്റ് കെ. സോമന് അദ്ധ്യക്ഷനായി. ദക്ഷിണ മേഖല പ്രസിഡന്റ് വെള്ളിയാകുളം പരമേശ്വരന്, എം.വി. ഗോപകുമാര്, ഡി. അശ്വനിദേവ്, പി.കെ. വാസുദേവന്, പാലമറ്റത്ത് വിജയകുമാര്, കൊട്ടാരം ഉണ്ണികൃഷ്ണന്, ഡി. പ്രദീപ്, എല്.പി ജയചന്ദ്രന്, കെ.ജി കര്ത്താ, ഗീതാ രാംദാസ്, സുമി ഷിബു ആര്. ഉണ്ണികൃഷ്ണന് പ്രസംഗിച്ചു.
