മുഹമ്മ: കളഞ്ഞു കിട്ടിയ സ്വര്ണമാല തിരികെ നല്കി പെയിന്റിങ് തൊഴിലാളി മാതൃകയായി. പൊന്നാട് കളത്തിപ്പറമ്പില് ഹാരിസിന്റെ ഭാര്യ ആലപ്പുഴ രജിസ്ട്രാര് ഓഫിസിലെ ജീവനക്കാരി ജാസ്മിന്റെ മൂന്നര പവന്റെ മാലയാണ് നേതാജി കണക്കൂര് ചിറയില് പി.കെ. ശിവന്റെ സത്യസന്ധതയില് തിരികെ കിട്ടിയത്. ഞായറാഴ്ച്ച തമ്പകച്ചുവട്ടിലെ ബന്ധുവിന്റെ ഗൃഹപ്രവേശന ചടങ്ങില് പങ്കെടുത്ത് മടങ്ങുമ്പോഴായിരുന്നു മാല നഷ്ടപ്പെട്ടത്. റോഡരികില് തമ്പകച്ചുവട് കാരുചിറമഠം ക്ഷേത്രത്തിന്റെ അടുത്തുനിന്നുമാണ് ശിവന് മാല ലഭിച്ചത്. ഗൃഹപ്രവേശന വീട്ടില് എത്തിയ ആരുടെതെങ്കിലുമായിരിക്കും മാല എന്നു മനസിലാക്കിയ ഇദ്ദേഹം വിവരം വീട്ടുകാരെ അറിയിച്ചു എങ്കിലും ഉടമസ്ഥനെ കണ്ടെത്താനായില്ല. കഴിഞ്ഞ ദിവസം മാല നഷ്ടപ്പെട്ട വീട്ടുകാര് ഇദ്ദേഹത്തെ ബന്ധപ്പെടുകയായിരുന്നു. മണ്ണഞ്ചേരി പോലീസ് സ്റ്റേഷനില് പഞ്ചായത്തംഗം ബി. അരവിന്ദന്റേയും, എസ്ഐ ഷൈജു ഇബ്രാഹിമിന്റെയും പോലീസുകാരുടെയും സാന്നിദ്ധ്യത്തില് ശിവന് സ്വര്ണമാല ഉടമസ്ഥര്ക്ക് കൈമാറി.
കളഞ്ഞു കിട്ടിയ മാല തിരികെ നല്കി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.