തിരുവനന്തപുരം: പ്രധാനമന്ത്രി നരേന്ദ്രമോദിയുടെ അറുപത്തിയെട്ടാമത് ജന്മദിനം ആഘോഷമാക്കി യുവമോര്ച്ചയും ബിജെപിയും. കെഎസ്ആര്ടിസി ബസ് വൃത്തിയാക്കിയാണ് ബിജെപി ആഘോഷങ്ങള്ക്ക് തുടക്കം കുറിച്ചതെങ്കില് ഖാദി തുണിയില് ആശംസകള് എഴുതിയാണ് യുവമോര്ച്ച മോദിയുടെ പിറന്നാള് കൊണ്ടാടിയത്.
ഒ.രാജഗോപാല് എംഎല്എയുടെ നേതൃത്വത്തില് നടന്ന കെഎസ്ആര്ടിസി ബസ് വൃത്തിയാക്കലില് ബിജെപി ദേശീയ നിര്വ്വാഹസമിതി അംഗം വി. മുരളീധരന്, ജില്ലാ പ്രസിഡന്റ് അഡ്വ. എസ്. സുരേഷ്,ജില്ലാ ജനറല് സെക്രട്ടറി പാപ്പനംകോട് സജി, ജില്ലാ വൈസ് പ്രസിഡന്റ് പൂന്തുറ ശ്രീകുമാര്, കൗണ്സിലര്മാരായ തിരുമല അനില്,എം.ആര് ഗോപന്, ആര്.സി. ബീന,ആശാനാഥ് തുടങ്ങിയവര് ശുചീകരണത്തില് പങ്കാളികളായി.
യുവമോര്ച്ചയുടെ ആഭിമുഖ്യത്തില് മ്യൂസിയം ജംങ്ഷനില് നടന്ന ആഘോഷ പരിപാടിയില് ചലച്ചിത്ര നിര്മാതാവ് ജി.സുരേഷ്കുമാറും ഭാര്യയും നടിയുമായ മേനക സുരേഷും പങ്കെടുത്തു. ഇരുവരും ചേര്ന്ന് ഖാദിയുടെ പ്രചരണാര്ത്ഥംഖാദി തുണിയിലുള്ള ബാനറില് ആശംസകള് എഴുതിയാണ് പരിപാടി ഉദ്ഘാടനം ചെയ്തത്. ഇന്ത്യ കണ്ടതില് ഏറ്റവും ശക്തനായ വ്യക്തിയാണ് നരേന്ദ്ര മോദിയെന്ന് നിര്മ്മാതാവ് സുരേഷ്കുമാര് പറഞ്ഞു. നമ്മുടെ രാജ്യപുരോഗതിക്ക് വേണ്ടി ജീവിതം തന്നെ മാറ്റി വച്ച വ്യക്തിയാണ് നരേന്ദ്ര മോദിയെന്നും അദ്ദേഹം പറഞ്ഞു. മേനകാ സുരേഷ് മധുരവിതരണം ചെയ്തു. യുവമോര്ച്ച സംസ്ഥാന ജനറല് സെക്രട്ടറി ആര്.എസ്.രാജീവ്, ജില്ലാ പ്രസിഡന്റ് ജെ.ആര്.അനുരാജ് എന്നിവര് സംസാരിച്ചു. സംസ്ഥാന സമിതി അംഗങ്ങളായ രഞ്ജിത്ത്ചന്ദ്രന്, രാകേന്ദു, അശ്വതി ജില്ലാ ഭാരവാഹികളായ സതീഷ്, ചന്ദ്രകിരണ്, ശ്രീരാഗ് എന്നിവര് പരിപാടിക്ക് നേതൃത്വം നല്കി.
തൈക്കാട് സ്ത്രീകളുടെയും കുട്ടികളുടെയും ആശുപത്രി ബിജെപി പ്രവര്ത്തകര് ശുചീകരിച്ചു. ഒ.രാജഗോപാല് എംഎല്എ പരിപാടി ഉദ്ഘാടനം ചെയ്തു. ജില്ലാ വൈസ് പ്രസിഡന്റ് പൂന്തുറ ശ്രീകുമാര്, മണ്ഡലം പ്രസിഡന്റ് കെ.രാജശേഖരന് തുടങ്ങിയവര് പങ്കെടുത്തു.
തിരുവനന്തപുരം ജനറല് ആശുപത്രിയില് ബിജെപിയുടെ നേതൃത്വത്തില് നടന്ന ശുചീകരണം സംസ്ഥാന കമ്മിറ്റി അംഗം ഷാജഹാന് ഉദ്ഘാടനം ചെയ്തു. പൂവാര് ഗവ.ആശുപത്രിയില് മണ്ഡലം ജനറല് സെക്രട്ടറി പൂവാര് വിഷ്ണു ഉദ്ഘാടനം ചെയ്തു. വെള്ളറടയിലെ ആനപ്പാറ ആശുപത്രിയുടെ ശൂചീകരണം ദേശീയ സമിതി അംഗം കരമന ജയന് ഉദ്ഘാടനം ചെയ്തു. ജില്ലാ ജനറല് സെക്രട്ടറി ബിജു ബി.നായര്, മണ്ഡലം പ്രസിഡന്റ് അജിത്ത് കുമാര് എന്നിവര് നേതൃത്വം നല്കി.
നെയ്യാറ്റിന്കര താലൂക്ക് ആശുപത്രിയില് നടന്ന ശുചീകരണം ജില്ലാ കമ്മിറ്റി അംഗം മണലൂര് സുരേഷ് ഉദ്ഘാടനം ചെയ്തു. മണ്ഡലം ജനറല് സെക്രട്ടറി പൂഴിക്കുന്ന് ശ്രീകുമാര് നേതൃത്വം നല്കി. വെള്ളനാട് ആശുപത്രിയിലെ ശൂചീകരണം മണ്ഡലം സെക്രട്ടറി പ്ലാവിള അനില് ഉദ്ഘാടനം ചെയ്തു.
