ആലുവ: ആലുവ നഗരത്തില്‍ പട്ടാപ്പകല്‍ മോഷണശ്രമം. മുറിക്കകത്ത് കയറിയ കള്ളനെ വീട്ടുകാര്‍ പൂട്ടിയിട്ട് പിടികൂടി പോലീസിന് കൈമാറി. ആലുവ ടാസ് റോഡില്‍ വാടകക്ക് താമസിക്കുന്ന പുതുശേരി ഡൊമിനിക്കിന്റെ വീട്ടില്‍ നിന്നാണ് തമിഴ്‌നാട് സ്വദേശിയായ മോഷ്ടാവിനെ പിടികൂടിയത്. പലപേരുകള്‍ പറഞ്ഞ് ഇയാള്‍ പോലീസിനെ വട്ടം കറക്കി. ഇന്നലെ ഉച്ചയ്‌ക്ക് ഒന്നരയോടെയാണ് സംഭവം.ഡൊമിനിക്കും ഭാര്യയും ഉച്ചഭക്ഷണം കഴിക്കുമ്പോള്‍ ബെഡ് റൂമില്‍ നിന്നും ശബ്ദംകേട്ടു. നോക്കിയപ്പോള്‍ മോഷ്ടാവ് അലമാര തുറന്ന് പരിശോധിക്കുകയായിരുന്നു.തുടര്‍ന്ന് വാതില്‍ പുറത്ത് നിന്നും കുറ്റിയിട്ട ശേഷം പോലീസിനെ അറിയിക്കുകയായിരുന്നു. സ്ഥലത്തെത്തിയ പോലീസ് പ്രതിയെ ബല പ്രയോഗത്തിലൂടെയാണ് കീഴ്‌പ്പെടുത്തിയത്. ഇതേവാര്‍ഡില്‍ തന്നെ നൂറുമീറ്റര്‍ അകലെയാണ് കഴിഞ്ഞ ദിവസം പകല്‍ പൂട്ടിയിട്ട വീട് കുത്തിതുറന്ന് മോഷണത്തിന് ശ്രമിച്ച രാജസ്ഥാന്‍ സ്വദേശികളായ രണ്ട് പേരെ നാട്ടുകാര്‍ പിടികൂടി പോലീസിന് കൈമാറിയത്.
Thursday, November 28, 2024
കള്ളനെ വീട്ടില്‍ പൂട്ടിയിട്ട് പിടികൂടി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: