മലപ്പുറം: വിശ്വകര്‍മ്മജരുടെ കൈതൊഴില്‍ സംരക്ഷിക്കാന്‍ സര്‍ക്കാര് ഇടപെട്ട് നിയമ നിര്‍മ്മാണം നടത്തണമെന്ന് കേരള വിശ്വകര്‍മ്മ സഭയുടെ വിശ്വകര്‍മ്മ ദേവദിനാചരണ സമാപന സമ്മേളനം സര്‍ക്കാരിനോട് ആവശ്യപ്പെട്ടു.
സമ്മേളനത്തില്‍ ജില്ലാ പ്രസിഡന്റ് പ്രഭാകരന്‍ വലിയോറ അദ്ധ്യക്ഷത വഹിച്ചു. പി. വാസുദേവന്‍ മേലാറ്റൂര്‍, കെ.ടി. നാരായണന്‍, യു.കെ. രാജന്‍, ഗീതാദാസന്‍, എം.പി. വേലായുധന്‍, നന്ദന്‍ കുന്നുംപുറം, രവീന്ദ്രപ്രകാശ്, ബാലകൃഷ്ണന്‍ വെണ്ണില തുടങ്ങിയവര്‍ സംസാരിച്ചു. പൂജകള്‍ക്ക് ജില്ലാ സെക്രട്ടറി പ്രഭാകരന്‍ വെന്നിയൂര്‍ കാര്‍മ്മികത്വം വഹിച്ചു.
കരുവാരക്കുണ്ട്: വിശ്വകര്‍മ ദിനാചരണത്തിന്റെ ഭാഗമായി വിശ്വകര്‍മ പഞ്ചായത്ത് കമ്മറ്റിയുടെ നേതൃത്വത്തില്‍ ദേവദിന സന്ദേശ പ്രചാരണ റാലി നടത്തി.
റാലി കുട്ടത്തി ക്ഷേത്രത്തില്‍ വെച്ച് നാഷണല്‍ ലേബര്‍ പാര്‍ട്ടി ദേശീയ പ്രസിഡന്റ് വി.കെ.വിക്രമന്‍ ഉദ്ഘാടനം ചെയ്തു. കെവിഎസ് പഞ്ചായത്ത് പ്രസിഡന്റ് ഇ.ഹരിദാസ് കുട്ടത്തി, പി.അനില്‍ പ്രസാദ്, വി.ഷബീറലി, പി.ഉണ്ണിമാന്‍ എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: