മലപ്പുറം: കേരള പ്രൈവറ്റ് എയ്ഡഡ് സ്‌കൂള്‍ മാനേജഴ്‌സ് അസോസിയേഷന്റെ സംസ്ഥാന സമ്മേളനം 19ന് മലപ്പുറം റോസ് ലോഞ്ചില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ഗുണമേന്മയുള്ള പൊതുവിദ്യാഭ്യാസം എല്ലാവര്‍ക്കും എന്ന സന്ദേശമുയര്‍ത്തുന്ന സമ്മേളനം രാവിലെ ഒന്‍പതിന് സംസ്ഥാന പ്രസിഡന്റ് ഹാഷിം കോയ തങ്ങള്‍ ഉദ്ഘാടനം ചെയ്യും. തുടര്‍ന്ന് നടക്കുന്ന പ്രതിനിധി സമ്മേളനത്തിന്റെ ഉദ്ഘാടനം മുന്‍ വിദ്യാഭ്യാസ മന്ത്രി നാലകത്ത് സൂപ്പി നിര്‍വഹിക്കും. വിദ്യാഭ്യാസ അവകാശ നിയമവും കോടതി വിധികളും എന്ന വിഷയത്തില്‍ നിയമ വിദഗ്‌ദ്ധന്‍ മാത്യൂ.കെ.ഉമ്മന്‍ സംസാരിക്കും. രാവിലെ 11ന് നടക്കുന്ന പൊതുസമ്മേളനം പി.കെ.കുഞ്ഞാലിക്കുട്ടി എംപി ഉദ്ഘാടനം ചെയ്യും. വാര്‍ത്താസമ്മേളനത്തില്‍ കെ.കുട്ടി അഹമ്മദ് കുട്ടി, കാടാമ്പുഴ മൂസ, അരവിന്ദന്‍ മണ്ണൂര്‍, നാസര്‍ എടരിക്കോട്, ഹാഷിം കോയതങ്ങള്‍, സൈനുന്‍ ആബിദ് പട്ടര്‍കുളം എന്നിവര്‍ പങ്കെടുത്തു.
Sunday, November 24, 2024
കെപിഎസ്എംഎ സംസ്ഥാന സമ്മേളനം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: