കോട്ടയം: ഹൈന്ദവ ഐക്യത്തിന്റെ അടിത്തറ ശക്തമാക്കി നടന്ന ധര്മ്മസംവാദ ഹിന്ദുമഹാസമ്മേളനം പ്രൗഢോജ്ജലമായി. തിരുനക്കര മഹാദേവ ക്ഷേത്രമൈതാനിയില് ഇന്നലെ വൈകിട്ട് 24 ഹൈന്ദവ സംഘടനകള് ചേര്ന്ന് നടത്തിയ സമ്മേളനം പങ്കാളിത്തം കൊണ്ടും ശ്രദ്ധേയമായി. കൊളുത്തൂര് അദ്വൈതാശ്രമത്തിന്റെ രജതജൂബിലി ആഘോഷങ്ങളുടെ ഭാഗമായിട്ടാണ് സമ്മേളനം സംഘടിപ്പിച്ചത്. കൊളത്തൂര് അദ്വൈതാശ്രമം മഠാധിപതി സ്വാമി ചിദാനന്ദപുരി നേതൃത്വം നല്കി.
ക്ഷേത്ര നടയില് പൂര്ണ്ണകുംഭം നല്കി സ്വാമിയെ സ്വീകരിച്ചു. തുടര്ന്നാണ് സമ്മേളനം ആരംഭിച്ചത്. ധര്മ്മവിരുദ്ധമായ ആശയ പ്രചാരണങ്ങളെ യഥാസമയം തുറന്ന് കാണിച്ചും ധര്മ്മസന്ദേശത്തേ അറിയിച്ചും പ്രവര്ത്തിക്കേണ്ട അനിവാര്യതയിലേക്ക് വിരല് ചൂണ്ടുന്നതയായിരുന്നു സമ്മേളനം. സനാതന ധര്മ്മത്തെയും കേരളത്തിലെ വര്്ത്തമാന അവസ്ഥയെയും അപഗ്രഥിച്ച് കേരള നവോത്ഥാനത്തിന് വേണ്ട സന്ദേശത്തെ പ്രഭാഷണത്തിലൂടെ സ്വാമി അവതരിപ്പിച്ചു.സദസ്സിന്റെ സംശയങ്ങള്ക്ക് അദ്ദേഹം മറുപടി നല്കുകയും ചെയ്തു.
അരക്ഷിതവും അപകര്ഷതയും വളര്ത്തുന്ന പ്രവര്ത്തനങ്ങള് കേരളത്തില് നടന്നുവെന്ന് ശ്രമം സ്വാമിചിദാനന്ദപുരി അഭിപ്രായപ്പെട്ടു.
ലോകത്തിന്റെ വിവിധയിടങ്ങളില് സാംസ്കാരികാവശിഷ്ടങ്ങള് പോലും നശിപ്പിക്കപ്പെട്ടപ്പോള് ഭാരതസംസ്കാരം നശിക്കാതെ നില്ക്കുന്നു. വര്ത്തമാനകാലത്ത് ഭാരതത്തിന്റെ ധര്മ്മവീക്ഷണങ്ങളിലേക്ക് ലോകം ഉറ്റുനോക്കുന്നു. എന്നാല് കേരളത്തില് ഹിന്ദുസമൂഹത്തെ അവഹേളിക്കാനും നിന്ദിക്കാനും സമ്പ്രദായങ്ങളെ തകര്ക്കുവാനും ഒരുകൂട്ടര് ശ്രമിക്കുന്നു. വിദ്യാലയങ്ങളിലും തൊഴിലിടങ്ങളിലുമെല്ലാം ഈ ശ്രമം നടക്കുന്നു. ധര്മ്മത്തെക്കുറിച്ചുള്ള ചോദ്യങ്ങളെ നേരിടാനാകാതെ യുവസമൂഹം പകച്ചുനില്ക്കുന്നു.
ചിട്ടയായ മതപഠനം ഇതരമതസമൂഹം നടത്തുമ്പോള് ഹിന്ദുമതത്തെക്കുറിച്ച് പഠിക്കുവാന് ക്ഷേത്രസങ്കേതം ഉപയോഗപ്പെടുത്തണമെന്ന് പറയുന്നതിനെ വര്ഗീയമായി ചിത്രീകരിക്കുന്നു. അറിവില്ലായ്മയെ ചൂഷണം ചെയ്ത് മതംമാറ്റത്തിന് വഴിയൊരുക്കുന്നു. ആവിഷ്ക്കാര സ്വാതന്ത്ര്യത്തിന്റെ പേരില് ഹിന്ദുദേവീദേവന്മാരെ അധിക്ഷേപിക്കുന്നു. ആചാര്യന്മാരെ കുരിശിലേറ്റിയിട്ടും സമൂഹത്തിന് പ്രതികരണമില്ലാത്ത അവസ്ഥയാണ്. ശ്രീനാരായണഗുരുവിനെയും ശ്രീശങ്കരാചാര്യരെയും അവഹേളിച്ചത് പരാമര്ശിച്ച് സ്വാമി പറഞ്ഞു.
ചിന്മയാമിഷന് ജില്ലാ പ്രസിഡന്റ് എന്.രാജഗോപാല് അദ്ധ്യക്ഷനായി. വാഴൂര് തീര്ത്ഥപാദാശ്രമം മഠാധിപതി പ്രജ്ഞാനന്ദ തീര്ത്ഥപാദര് ഭദ്രദീപം കൊളുത്തി. ധര്മ്മചൈതന്യ ശിവഗിരിമഠം അഭയാനന്ദ തീര്ത്ഥപാദര് പൂഞ്ഞാര്, ധര്മ്മ ചൈതന്യ, വിശുദ്ധബോധാനന്ദ മറ്റക്കര ശ്രീരാമകൃഷ്ണാശ്രമം, സദ്സ്വരൂപാനന്ദ തീര്ത്ഥപാദര് എരുമേലി, രാമാനന്ദ തീര്ത്ഥപാദര് വാഴൂര്, സത്യാനന്ദസ്വാമി, വിജയബോധാനന്ദ തീര്ത്ഥപാദര് തിരുവാര്പ്പ്, സൂര്യന്ഭട്ടതിരിപ്പാട് സൂര്യകാലടിമന, കെ.എന്.രവീന്ദ്രനാഥ്, എം.എസ്.പദ്മനാഭന്, എം.മധു, ഇ.എസ്.ബിജു, ഡി.ശശികുമാര് തുടങ്ങിയവര് പ്രസംഗിച്ചു.
