കൊച്ചി: ഗണേശോത്സവ ട്രസ്റ്റ്, എറണാകുളം ശിവക്ഷേത്ര ക്ഷേമസമിതി, നഗരത്തിലെ വിവിധ ഹൈന്ദവസംഘടനകള്‍ എന്നിവരുടെ സംയുക്താഭിമുഖ്യത്തില്‍ എറണാകുളം ശിവക്ഷേത്രത്തില്‍ സംഘടിപ്പിക്കുന്ന ഗണേശോത്സവത്തിന്റെ ഭാഗമായി ഗണേശവിഗ്രഹഹം പ്രതിഷ്ഠിച്ചു. എറണാകുളം മുരുകന്‍കോവില്‍ മേല്‍ശാന്തി അമൃതകടേശന്‍ പ്രതിഷ്ഠാകര്‍മ്മം നിര്‍വഹിച്ചു. അമൃതാനന്ദമയി മഠം ജനറല്‍ സെക്രട്ടറി പൂര്‍ണാമൃതാനന്ദപുരി സ്വാമി ഉദ്ഘാടനം ചെയ്തു. സംഗീതജ്ഞന്‍ കെ.ജി. ജയന്‍ സംഗീതാര്‍ച്ചന നടത്തി. ഗണേശോത്സവ ട്രസ്റ്റ് പ്രസിഡന്റ് കെ.പി. ശിവദാസ്, വൈസ് ചെയര്‍മാന്‍ ടി. വിനയ്കുമാര്‍, സെക്രട്ടറി ടി.ആര്‍. ദേവന്‍, ആഘോഷകമ്മിറ്റി ചെയര്‍മാന്‍ പി. രാജേന്ദ്രപ്രസാദ് തുടങ്ങിയവര്‍ സംബന്ധിച്ചു. നാളെ വൈകിട്ട് 5 മണിക്ക് ശിവക്ഷേത്ര ഓഡിറ്റോറിയത്തില്‍ നടക്കുന്ന സാംസ്‌കാരിക സമ്മേളനത്തില്‍ ഗണേശോത്സവ ട്രസ്റ്റ് ഏര്‍പ്പെടുത്തിയ ഗണേശഭക്ത പുരസ്‌ക്കാരവും ഗണേശനാട്യ പുരസ്‌ക്കാരവും വിതരണം ചെയ്യും. മേയര്‍ സൗമിനി ജെയിന്‍ മുഖ്യാതിഥിയാകും. 26ന് വൈകിട്ട് 3.30ന് ശിവക്ഷേത്രത്തില്‍ നിന്ന് പുതുവൈപ്പ് സുബ്രഹ്മണ്യസ്വാമി ക്ഷേത്രത്തിലേക്ക് ഗണേശവിഗ്രഹ നിമജ്ജന ഘോഷയാത്ര പുറപ്പെടും. പുതുവൈപ്പില്‍ നടക്കുന്ന സമാപന സമ്മേളനം ഉമ്മന്‍ചാണ്ടി ഉദ്ഘാടനം ചെയ്യും. വൈകിട്ട് 6 മണിയോടെ മഹാനിമജ്ജനം.
Thursday, November 28, 2024
ഗണേശോത്സവം: വിഗ്രഹം പ്രതിഷ്ഠിച്ചു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: