പൂക്കോട്ടുംപാടം: അനധികൃതമായി മയക്കുമരുന്ന് കൈവശം വെച്ചതിനും ഉപയോഗിച്ചതിനും രണ്ടുപേര്‍ പിടിയില്‍. മഞ്ചേരി മുട്ടിപ്പാലം സ്വദേശി മങ്കരത്തൊടി മന്‍സൂര്‍ അലി(32), ചോക്കാട് നീലാമ്പ്ര നൗഫല്‍ ബാബു(32) എന്നിവരാണ് പൂക്കോട്ടുംപാടം പോലീസിന്റെ പിടിയിലായത്.
ഇന്ത്യയില്‍ തന്നെ അപൂര്‍വ്വമായ ആംഫിറ്റാമിനാണ് ഇവരില്‍ നിന്ന് പിടികൂടിയത്. ഉപയോഗിക്കുന്നവരുടെ ഇടയില്‍ ഐസ് ഡ്രഗ് എന്നറിയപ്പെടുന്ന ഈ ലഹരിപദാര്‍ത്ഥം ഡിജെ പാര്‍ട്ടികളില്‍ ഉള്‍പ്പടെ ഉപയോഗിക്കുന്ന വിലകൂടിയ ലഹരിയാണ്. ഒരു ഗ്രാമിന് ഏകദേശം അയ്യായിരം രൂപക്ക് മുകളിലാണ് വില. ലൈംഗിക ഉത്തേജക വസ്തുവായി വിദേശരാജ്യങ്ങളില്‍ ഉള്‍പ്പടെ കുപ്രസിദ്ധിയാര്‍ജ്ജിച്ച ലഹരി വസ്തുവാണ് ഇത്. പൂക്കോട്ടുംപാടം എസ് ഐ അമൃത്രംഗനെ കൂടാതെ സിപിഒമാരായ വിനീഷ്, നിപിന്‍ ദാസ്, ജാഫര്‍ അഭിലാഷ് എന്നിവരും സംഘത്തിലുണ്ടായിരുന്നു.
പ്രതികരിക്കാൻ ഇവിടെ എഴുതുക: