ഇന്ന് 18 പള്ളിയോടങ്ങള്‍ വള്ളസദ്യയില്‍ പങ്കെടുക്കും

ആറന്മുള: ഉതൃട്ടാതി ജലമേളക്ക് ദിവസങ്ങള്‍ മാത്രം ബാക്കി നില്‍ക്കെ ഇന്ന് പള്ളിയോടങ്ങളുടെ ചെറുപൂരമൊരുക്കി 18 പള്ളിയോടങ്ങള്‍ വള്ളസദ്യയില്‍ പങ്കെടുക്കും. മേലുകര, മാരാമണ്‍, കീഴ്‌വന്മഴി, പൂവത്തൂര്‍ പടിഞ്ഞാറ്, ഇടപ്പാവൂര്‍, ഇടയാറന്മുള, ഇടയാറന്മുള കിഴക്ക്, ളാക ഇടയാറന്മുള, ഇടശ്ശേരിമല, കോറ്റാത്തൂര്‍, മംഗലം, പൂവത്തൂര്‍ കിഴക്ക്, വരയന്നൂര്‍, നെല്ലിക്കല്‍, മല്ലപ്പുഴശ്ശേരി, ഇടശ്ശേരിമല കിഴക്ക്, തെക്കേമുറി, കോയിപ്രം എന്നീ പള്ളിയോടങ്ങളാണ് ഇന്നെത്തുന്നത്. ഇതുവരെ 453 വള്ളസദ്യകളാണ് ബുക്ക് ചെയ്തിട്ടുള്ളത്. തിരക്ക് പരിഗണിച്ചും വള്ളസദ്യ പരിചയപ്പെടുന്നതിനും പള്ളിയോട സേവാസംഘം പ്രത്യേക വള്ളസദ്യ ഏര്‍പ്പെടുത്തിയിട്ടുണ്ട്. ശനി ഞായര്‍ ദിവസങ്ങളിലും പൊതു അവധി ദിവസങ്ങളിലുമാണ് ഇത് നടക്കുന്നത്. സെപ്തംബര്‍ 12ന് നടക്കുന്ന അഷ്ടമി രോഹിണി വള്ളസദ്യക്കുള്ള ഒരുക്കങ്ങളും ആരംഭിച്ചു.