കാസര്‍കോട്: എന്‍ജിഒ സംഘ് ജില്ലാ സമ്മേളനം 11, 12 തീയ്യതികളിലായി നടക്കും. നാളെ ജില്ലാ കൗണ്‍സില്‍ യോഗം എന്‍ജിഒ സംഘ് ജില്ലാ ഓഫീസില്‍ ഉച്ചയ്‌ക്ക് മൂന്ന് മണിക്ക് സംസ്ഥാന വൈസ് പ്രസിഡണ്ട് പി.പീതാംബരന്‍ ഉദ്ഘാടനം ചെയ്യും. 12 ന് നടക്കുന്ന ജില്ലാ സമ്മേളനം കാസര്‍കോട് ടൗണ്‍ ബാങ്ക് സെന്റിനരി ഹാളില്‍ സംസ്ഥാന വൈസ് പ്രസിഡണ്ട് കെ.ടി.സുകുമാരന്‍ രാവിലെ 9.30 മണിക്ക് ഉദ്ഘാടനം ചെയ്യും. ജില്ലാ പ്രസിഡണ്ട് എം.ഗംഗാധര അദ്ധ്യക്ഷത വഹിക്കും.
ആര്‍എസ്എസ് മംഗലാപുരം വിഭാഗ് കാര്യകാരി സദസ്യന്‍ പുണ്ഡരികാക്ഷ ബെള്ളുരു മുഖ്യപ്രഭാഷണം നടത്തും. ബിഎംഎസ് ജില്ലാ സെക്രട്ടറി കെ.എ.ശ്രീനിവാസന്‍, ബിജെപി ജില്ലാ പ്രസിഡണ്ട് അഡ്വ.കെ.ശ്രീകാന്ത്, പെന്‍ഷനേഴ്‌സ് സംഘ് ജില്ലാ പ്രസിഡണ്ട് കെ.കുഞ്ഞിക്കണ്ണന്‍, എന്‍ടിയു ജില്ലാ പ്രസിഡണ്ട് കെ.പ്രഭാകരന്‍, എബിവിപി ജില്ലാ കണ്‍വീനര്‍ ശ്രീഹരി തുടങ്ങിയവര്‍ സംബന്ധിക്കും.
പ്രതികരിക്കാൻ ഇവിടെ എഴുതുക: