വൈപ്പിന്‍: അഖില കേരള ധീവര സഭ വൈപ്പിന്‍ താലൂക്കിന്റെ ആഭിമുഖ്യത്തില്‍ അനുമോദന സമ്മേളനം നടന്നു. ധീവര സഭയുടെ സംസ്ഥാന ട്രഷറര്‍ പി. കെ. സുധാകരന്‍ ഉദ്ഘാടനം ചെയ്തു. ധീവര സഭ താലൂക്ക് പ്രസിഡന്റ് കെ.കെ പുഷ്‌ക്കരന്‍ അദ്ധ്യക്ഷനായി. എംബിബിഎസിന് അഡ്മിഷന്‍ ലഭിച്ച കെ. ആര്‍. ചാരുലതയെയും താലൂക്കിലെ വിവിധ കരയോഗങ്ങളെയും, എസ്എസ്എല്‍സി, പ്ലസ് ടു എന്നിവയ്‌ക്ക് എല്ലാവിഷയത്തിനും എ പ്ലസ് വാങ്ങിയ വിദ്യാര്‍ത്ഥികളേയും ഉപഹാരവും ക്യാഷ് അവാര്‍ഡും നല്‍കി അനുമോദിച്ചു. അനുപമ ജ്വല്ലറി നല്‍കുന്ന സ്‌കോളര്‍ഷിപ്പ് ജയലാല്‍ വിതരണം ചെയ്തു. വിദ്യാഭ്യാസ അവാര്‍ഡ് ഉമാലത ശശിധരന്‍ വിതരണം ചെയ്തു. താലൂക്ക് സെക്രട്ടറി എ.വി. ഷാജി, കെ.കെ. തമ്പി, ശാന്തി മുരളി, എ.കെ. സരസ്സന്‍, കെ.യു. ഗോപി, ഷീബ ഷാജി, സി.ടി. വിജയന്‍, എം. എസ്. മനോജ്കുമാര്‍ എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: