ലണ്ടൻ: ഡയാന രാജകുമാരിയും ചാൾസ് രാജകുമാരനും ചരിത്ര ലിപികളിൽ എഴുതപ്പെട്ട രണ്ട് പ്രശസ്ത വ്യക്തികളാണ്. ബ്രിട്ടീഷ് രാജകുടുംബത്തിൽ ഇത്രയും പ്രശസ്തരായ ദമ്പതിമാർ ഇവർ മാത്രമാണെന്ന് നിസംശയം പറയാനാകും. ഡയനാ രാജകുമാരിയുടേയും ഭർത്താവിന്റെയും ജീവിതം ലോകത്തെ മാധ്യമങ്ങൾക്ക് എന്നും ഒരു ചർച്ചാ വിഷയം തന്നെയായിരുന്നു.
ഡയാനയുടെ പ്രണയവും ദാമ്പത്യവും, അപകടമരണവുമെല്ലാം മാധ്യമങ്ങൾ വാരിക്കോരി എഴുതിയിരുന്നു. ഇപ്പോൾ ഇതാ ഒരു സ്വകാര്യ ടെലിവിഷൻ ഡയാന രാജകുമാരിയുടെ ദാമ്പത്യത്തെക്കുറിച്ചും ലൈംഗിക ജീവിതത്തെക്കുറിച്ചുള്ള ടേപ്പ് പുറത്ത് വിടാനൊരുങ്ങുന്നു. ബ്രിട്ടീഷ് ബ്രോഡ്കാസ്റ്റ് 4 എന്ന ചാനലാണ് ഡയാനയുടെ ദാമ്പത്യ അസ്വാരസങ്ങളും മറ്റും ഉൾപ്പെടുത്തിക്കൊണ്ടുള്ള ടേപ്പ് പുറത്ത് വിടുന്നത്.
ചാനലിന്റെ ഈ നീക്കത്തിനെതിരെ രാജകുടുംബാംഗങ്ങൾ രംഗത്തെത്തിയിരുന്നു. ഡയാന രാജകുമാരിയുടെ ജീവിതത്തെ അവഹേളിക്കല്ലെന്നാണ് ചാനലിനോട് ഡയാനയുടെ സുഹൃത്തുക്കളും ബന്ധുക്കളും ആവശ്യപ്പെട്ടത്. എന്നാൽ ഈ അവഗണനകൾ എല്ലാം കാറ്റിൽ പറത്തിക്കൊണ്ടാണ് ചാനലിന്റെ പുത്തൻ നീക്കം.
