മാവുങ്കാല്‍: വാഴക്കോട് ശ്രീ സുബ്രഹ്മണ്യ സ്വാമി ക്ഷേത്രത്തില്‍ രാമായണ മാസാചരണത്തിന്റെ ഭാഗായി 6ന് രാവിലെ 8 മണിക്ക് ക്ഷേത്രം മേല്‍ശാന്തി എം.ശങ്കരന്‍ നമ്പൂതിരിയുടെ സാന്നിദ്ധ്യത്തില്‍ 108 തേങ്ങ കൊണ്ടുള്ള മഹാഗണപതിഹോമം, തുടര്‍ന്ന് 10.30ന് ക്ഷേത്രം പ്രസിഡണ്ട് എന്‍.കേളുനമ്പ്യാരുടെ അധ്യക്ഷതയില്‍ രാമായണ മാസാചരണ പരിപാടി ആനന്ദാശ്രമം സ്വാമിജി മുക്താനന്ദ ഉദ്ഘാടനം ചെയ്യും.
ക്ഷേത്ര പരിധിയിലുള്ള എസ്എസ്എല്‍സി, പ്ലസ്ടു പരീക്ഷകളില്‍ ഉന്നതവിജയം നേടിയ വിദ്യാര്‍ത്ഥികള്‍ക്കും വാഴക്കോട് എല്‍പി സ്‌കൂളില്‍ നിന്ന് ഉയര്‍ന്ന മാര്‍ക്ക് നേടി വിജയിച്ച വിദ്യാര്‍ത്ഥികളെയും ക്ഷേത്രം രക്ഷാധികാരി കെ.വേണുഗോപാലന്‍ നമ്പ്യാര്‍ അനുമോദിക്കും. തുടര്‍ന്ന് അഡ്വ.എ.വി.കേശവന്‍ കണ്ണൂര്‍ മുഖ്യ പ്രഭാഷണം നടത്തും.
കാര്‍ത്തികേയ സേവാ മണ്ഡല്‍ ചെയര്‍മാന്‍ പി.വി.കുഞ്ഞിക്കണ്ണന്‍, വാര്‍ഡംഗം ബിജി ബാബു, മാതൃസമിതി പ്രസിഡണ്ട് കെ.വി.നാരായണി, കുഞ്ഞിരാമന്‍ വണ്ണാര്‍കാനം എന്നിവര്‍ സംസാരിക്കും. ക്ഷേത്രം സെക്രട്ടറി എം.തമ്പാന്‍ സ്വാഗതവും, ടി.ചന്ദ്രന്‍ കക്കട്ടില്‍ നന്ദിയും പറയും.
പ്രതികരിക്കാൻ ഇവിടെ എഴുതുക: