കോഴിക്കോട്: ദീനദയാല് അന്ത്യയോജന പ്രകാരം ദേശീയ നഗര ഉപജീവനയജ്ഞത്തിന്റെ ഭാഗമായി നഗരത്തിലെ തെരുവുകളില് അന്തിയുറങ്ങുന്നവരെ കണ്ടെത്തുന്നതിനായി നടത്തി യ സര്വ്വെയില് 255 പുരുഷന്മാരും 34 സ്ത്രീകളും 5 ഭിന്നലിംഗക്കാരെയും കണ്ടെത്തി. ഇതില് 24 പേര്ക്ക് മാത്രമാണ് തിരിച്ചറിയല് കാര്ഡുള്ളത്. 139 പേര് ഇതര സംസ്ഥാനത്തുനിന്നുള്ളവരാണ്. ആകെയുള്ളവരില് 235 പേരും ഒരേസ്ഥലത്താണ് അന്തിയുറങ്ങുന്നത്. 51 പേര് താമസം പലയിടങ്ങളിലാണ്.
213 പേര് ഒരു വര്ഷത്തിന് മുകളിലായി തെരുവിലുറങ്ങുന്നവരാണ്. 161 പേര് കൂലിപ്പണിയെടുക്കുന്നവരും 22 പേര് തെരുവ് കച്ചവടക്കാരുമാണ്. ഭിക്ഷാടനം നടത്തിയാണ് 34 പേര് ജീവിക്കുന്നത്. 90 പേര്ക്ക് ആയിരം രൂപയില് താഴെ മാത്രമാണ് വരുമാനം. എന്നാല് 27 പേര്ക്ക് 10000 രൂപയ്ക്ക് മേല് വരുമാനമുണ്ട്. നാല് പേര് ശാരീരിക മാനസിക വെല്ലുവിളികളുള്ളവരും 56 പേര് രോഗബാധിതരുമാണ്. സ്വന്തമായി വീടോ സ്ഥലമോ ഉള്ളവര് 153 പേരുണ്ട്. എന്നാല് 141 പേര് വീടോ ഭൂമിയോ ഇല്ലാത്തവരാണ്.
ഷെല്ട്ടര് ഹോമുകളില് താമസിക്കാന് 248 പേര് താല്പര്യം പ്രകടിപ്പിച്ചു. അനാഥരായതുകൊണ്ടാണ് 35 പേര് പൊതുസ്ഥലങ്ങളില് കിടന്നുറങ്ങാന് ഇടയായത്. ഉപജീവനത്തിന് മറ്റ് മാര്ഗ്ഗങ്ങളില്ലാതെ നഗരങ്ങളിലെത്തിയവരാണ് 202 പേര്. വീട് വിട്ടിറങ്ങി പോന്നവര് 14 പേരുണ്ട്. പോലീസ് കേസില് പെട്ട രണ്ട് പേരും കൂട്ടത്തിലുണ്ടെന്നാണ് സര്വെ കണ്ടെത്തിയത്.
എട്ട് ബാച്ചുകളിലായി 30 ഓളം പേര് ഇക്കഴിഞ്ഞ മാസം 26-ന് രാത്രി 10 മണി മുതല് പിറ്റേന്ന് പുലര്ച്ചെ 3.30 വരെയാണ് സര്വ്വെ നടത്തിയത്.
