പൂക്കോട്ടുംപാടം: കാട്ടുപന്നിയുടെ ആക്രമണത്തില്‍ ബൈക്ക് യാത്രികനായ യുവാവിന് പരിക്ക്.
തേള്‍പ്പാറ കൊമ്പന്‍കല്ല് സ്വദേശി എടപൊയില്‍ രാജഗോപാലിനാണ് പരിക്കേറ്റത്. പുലര്‍ച്ചെ 6.15ന് ടി.കെ കോളനിയിലേക്ക് റബ്ബര്‍ ടാപ്പിങ്ങിനായി ബൈക്കില്‍ പോകവെയാണ് ആക്രമണമുണ്ടായത്. പന്നി പുറകില്‍ നിന്ന് ഇടിച്ചുവീഴ്‌ത്തുകയായിരുന്നു.
വീഴ്ചയില്‍ ഓര്‍മ നഷ്ടപ്പെട്ട രാജഗോപാലിനെ സമീപവാസികള്‍ സ്വകാര്യ ആശുപത്രിയില്‍ എത്തിച്ച് ചികിത്സ നല്‍കി. കൈക്കും കാലിനും സാരമായി പരിക്കുണ്ട്. വീഴ്ചയില്‍ റോഡിലുരസി ശശീരത്തിന്റെ വിവിധ ഭാഗങ്ങളില്‍ മുറിവേറ്റിട്ടുമുണ്ട്.
പ്രതികരിക്കാൻ ഇവിടെ എഴുതുക: