ചെര്‍പ്പുളശ്ശേരി: സിവില്‍ സപ്ലൈസ് വകുപ്പിന്റെ ഒറ്റപ്പാലം താലൂക്കിലെ അരി മൊത്തവിതരണ കേന്ദ്രങ്ങളില്‍ വിജിലന്‍സ് പരിശോധന.
സ്വകാര്യ വ്യക്തികളുടെ ഗോഡൗണുകള്‍ വാടകക്കെടുത്ത് സിവില്‍ സപ്ലൈസ് വകുപ്പ് അരി സംഭരിക്കുന്ന ചെര്‍പ്പുളശ്ശേരിയിലേയും,മഞ്ചക്കല്ലിലേയും,ശ്രീകൃഷ്ണപുരത്തേയും ഗോഡൗണുകളില്‍ വിജിലന്‍സ് രണ്ടു ദിവസമായി പരിശോധന നടത്തുന്നുണ്ട്.
സ്റ്റോക്കിലെ വിവരങ്ങളാണ് പ്രധാനമായും വിജിലന്‍സ് പരിശോധിക്കുന്നത്. പാലക്കാട് വിജിലന്‍സ് സിഐ പ്രവീണ്‍ കുമാറിന്റെ നേതൃത്വത്തിലാണ് പരിശോധന.
കഴിഞ്ഞ ദിവസം വെള്ളിനേഴി കുളക്കാട്ടെ റേഷന്‍ കടയില്‍ പരിശോധന നടത്തിയതില്‍ പ്രതിഷേധിച്ച് ഒറ്റപ്പാലം താലൂക്കിലെ റേഷന്‍ വ്യാപാരികള്‍ ഇന്നലെ കടകളടച്ചിട്ട് പ്രതിഷേധിച്ചു.
ഗോഡൗണുകളിലെ പരിശോധന കാരണം റേഷന്‍ കടകളിലേക്കുള്ള അരി വിതരണം നിലച്ചതായും റേഷന്‍ വ്യാപാരികള്‍ ആരോപിച്ചു.
പ്രതികരിക്കാൻ ഇവിടെ എഴുതുക: