വാളയാര്‍ : ചുള്ളിമടയില്‍ പ്രായപൂര്‍ത്തിയാകാത്ത പെണ്‍ക്കുട്ടിയെ പീഡിപ്പിച്ച കേസില്‍ അഞ്ചുപേര്‍ അറസ്റ്റില്‍.
ഹൃദയസ്വാമി(65), കുമാരന്‍(54), അബ്ദുല്‍ റഹ്മാന്‍(40), രവിചന്ദ്രന്‍(42), ശിവനുണ്ണി(38) എന്നിവരെയാണ് കസബ സിഐ ആര്‍.ഹരിപ്രസാദിന്റെ നേതൃത്വത്തിലുള്ള അന്വേഷണ സംഘം അറസ്റ്റ് ചെയ്തത്. സ്‌കൂള്‍ വിദ്യാര്‍ഥിനിയായ പതിനൊന്നു കാരിയാണ് പീഡനത്തിനിരയായത്.
വിവിധ ഇടങ്ങളില്‍ കുട്ടിയെ കൊണ്ടുപോയി പീഡിപ്പിച്ചെന്നാണ് കണ്ടെത്തല്‍. കുട്ടി ആശുപത്രിയില്‍ ചികിത്സ തേടുകയും തുടര്‍ന്ന് ജില്ലാ ശിശുസംരക്ഷണ സമിതി നടത്തിയ കൗണ്‍സിലിങിനിടെയാണ് പീഡനവിവരം പുറത്തറിഞ്ഞത്.
ശിശുസംരക്ഷണ ഓഫിസര്‍ നല്‍കിയ പരാതിയിലാണ് വാളയാര്‍ എസ്‌ഐ എ.പ്രതാപ് കേസ് രജിസ്റ്റര്‍ ചെയ്തത്. പ്രതികളെ ഇന്ന് പോക്‌സോ കോടതിയില്‍ ഹാജരാക്കി റിമാന്‍ഡ് ചെയ്യുമെന്നാണ് വിവരം.
പ്രതികരിക്കാൻ ഇവിടെ എഴുതുക: