കാക്കനാട്: ഭൂരഹിതര്‍ക്ക് ഭൂമി ലഭ്യമാക്കുക വര്‍ഷങ്ങളായി ഭൂമി കൈവശം വച്ചിരിക്കുന്നവര്‍ക്ക് പട്ടയവും ക്രയ സര്‍ട്ടിഫിക്കറ്റും ലഭ്യമാക്കുക എന്നീ സര്‍ക്കാര്‍ ലക്ഷ്യങ്ങള്‍ പൂര്‍ത്തീകരിക്കുന്നതിന്റെ ഭാഗമായി സംഘടിപ്പിക്കുന്ന ജില്ലാതല പട്ടയ വിതരണ മേള നാളെ രാവിലെ 10 മണിക്ക് തൃക്കാക്കര നഗരസഭ കമ്മ്യൂണിറ്റി ഹാളില്‍ നടക്കും. റവന്യൂ വകുപ്പ് മന്ത്രി ഇ. ചന്ദ്രശേഖരന്‍ പട്ടയവിതരണ മേള ഉദ്ഘാടനം ചെയ്യും.
305 പട്ടയങ്ങള്‍ വിതരണം ചെയ്യും. ഇതില്‍ 39 എല്‍എ പട്ടയങ്ങളും 105 ദേവസ്വം പട്ടയങ്ങളും 161 ലാന്‍ഡ് ട്രിബ്യൂണല്‍ പട്ടയങ്ങളും ഉള്‍പ്പെടുന്നു. ആലുവ താലൂക്കില്‍-36, പറവൂര്‍-59, കൊച്ചി-46, മൂവാറ്റുപുഴ-33, കോതമംഗലം-2, കണയന്നൂര്‍-101, കുന്നത്തുനാട-്28 പട്ടയങ്ങളാണ് വിതരണം ചെയ്യുന്നത്.
സര്‍ക്കാര്‍ പുറമ്പോക്ക് ഭൂമിയില്‍ വര്‍ഷങ്ങളായി താമസിക്കുന്ന 39 പേര്‍ക്ക് കൈവശാവകാശ രേഖയും ജന്മികളുടെയും ദേവസ്വത്തിന്റെയും പേരിലുള്ള ഭൂമി രേഖകളില്ലാത്തതിനാല്‍ പോക്കുവരവ് ചെയ്യാന്‍ കഴിയാതിരുന്നതുമായ 266 പേര്‍ക്ക് കൈവശാവകാശ രേഖയും ക്രയ സര്‍ട്ടിഫിക്കറ്റും ലഭിക്കും. സ്ഥലമുടമകള്‍ പരിപാടിയിലെത്തി പട്ടയം കൈപ്പറ്റണമെന്ന് ജില്ലാ കളക്ടര്‍ അറിയിച്ചു.
പ്രതികരിക്കാൻ ഇവിടെ എഴുതുക: