കൊച്ചി: സിറോ മലബാര്‍ സഭയില്‍ യുവജനങ്ങളുടെ നവീകരണത്തിനും വളര്‍ച്ചയ്‌ക്കുമായുള്ള ശുശ്രൂഷകള്‍ സജീവമാക്കുന്നു. യുവാക്കള്‍ക്കായി സഭയുടെ വ്യത്യസ്ത തലങ്ങളില്‍ പരിപാടികള്‍ സംഘടിപ്പിക്കുമെന്നു സിറോ മലബാര്‍ സഭ മുഖ്യവക്താവ് റവ.ഡോ. ജിമ്മി പൂച്ചക്കാട്ട് അറിയിച്ചു. ദശദിന നേതൃത്വ പരിശീലന ക്യാമ്പുകള്‍, പ്രവാസി യൂത്ത് ഫോം, സാംസ്‌കാരിക വിനിമയ പരിപാടികള്‍, യുവജനമതബോധനം, പ്രശ്‌നോത്തരി മത്സരങ്ങള്‍, യൂത്ത് മൊബൈല്‍ ആപ്പ്, ചെന്നൈ, ബംഗളൂരു, മാംഗളൂര്‍, ഹൈദരാബാദ്, ഡല്‍ഹി എന്നിവിടങ്ങളില്‍ മെട്രോപ്പോളിറ്റന്‍ യൂത്ത് കണ്‍വന്‍ഷനുകള്‍ തുടങ്ങിയവ നടപ്പാക്കും. സിറോ മലബാര്‍ യൂത്ത് മൂവ്‌മെന്റാകും യുവജനശുശ്രൂഷകള്‍ ഏകോപിക്കുക.
പ്രതികരിക്കാൻ ഇവിടെ എഴുതുക: