ആലുവ: കാറില്‍ നിന്ന് ഗോഡൗണിലേക്ക് നിരോധിത പുകയില ഉത്പന്നങ്ങളുമായി ഉളിയന്നൂര്‍ സ്വദേശി പിടിയില്‍. ഉളിയന്നൂര്‍ ചിത്തകൂടത്ത് അയൂബി(40)നെയാണ് അറസ്റ്റ് ചെയ്തത്.
വാഹനത്തില്‍ നിന്നും ഗോഡൗണിലേക്ക് പുകയില നീക്കുന്നതിനിടെയാണ് പ്രതിയെ പിടികൂടിയതെന്ന് പോലീസ് പറഞ്ഞു. എന്നാല്‍ പുകയില എത്തിച്ച വാഹനം പോലീസ് കസ്റ്റഡിയിലെടുത്തിട്ടില്ല.
ഞായറാഴ്‌ച്ച വൈകിട്ട് ആറരയോടെയാണ് ആലുവ ഉളിയന്നൂര്‍ ഗവ. എല്‍പി സ്‌കൂളിന് സമീപം കാറില്‍ നിന്നും ഗോഡൗണിലേക്ക് പുകയില ഉത്പന്നങ്ങള്‍ നീക്കുന്നതിനിടെയാണ് പ്രതി പോലീസ് പിടിയിലായത്. പ്രതി അയൂബ് ഓടിരക്ഷപ്പെടാന്‍ ശ്രമിച്ചെങ്കിലും പോലീസ് പ്രതിയെ പിന്തുടര്‍ന്ന് പിടികൂടുകയായിരുന്നു. മണല്‍ കള്ളക്കടത്ത് ഉള്‍പ്പെടെ നിരവധി കേസുകളില്‍ പ്രതിയാണ് അയൂബെന്ന് പ്രിന്‍സിപ്പള്‍ എസ്‌ഐ എം.എസ്. ഫൈസല്‍ പറഞ്ഞു.
പ്രതികരിക്കാൻ ഇവിടെ എഴുതുക: